Memleket basshysynyń Joldaýyndaǵy: «Buqaralyq dene shynyqtyrýdy órkendetý isi jańa chempıondar shyńyna shyǵatyn pıramıdaǵa aınalýy tıis. Bul salaýatty ári belsendi jastardyń, túptep kelgende, qýatty ulttyń negizin qalyptastyrady» delingen tapsyrmasyn oryndaý aıǵaǵynda Ýnıversıada ózekti shara bolady.
20 aqpan – 15 naýryzda Ábý Nasyr ál-Farabıdiń 1150 jyldyq mereıtoıyna arnalǵan VIII qysqy Qazaqstan Ýnıversıadasy ótedi, 26 JOO-dan 500-ge jýyq stýdent qatysýda.
Qazaqstan Ýnıversıadasy 5 sport túrinen (qysqy prezıdenttik kópsaıys 20-24 aqpan О́skemen, kerlıng 26 aqpan -7 naýryz Almaty, qysqy sporttyq baǵdarlaý 4-9 naýryz Rıdder, bıatlon jáne shańǵy jarysy 9-15 naýryz Rıdder) ótýde.
QR BǴM «UǴPDTO» bilim alýshylardyń Gımnazıada men Ýnıversıadaǵa qatysýyna qyzyǵýshylyǵyn arttyrý úshin QR Mádenıet jáne sport mınıstrligimen birlesip, bilim basqarmalarynyń baǵdarlamasyndaǵy is-sharalarda jeńimpaz bolǵan oqýshylar men stýdentterge halyqaralyq dárejedegi sport sheberi, sport sheberi jáne sport sheberine úmitker ataǵyn berý úshin QR Ádilet Mınıstrligine tirkeýge «Sporttyq ataqtar, razrıadtar jáne biliktilik sanattaryn berý qaǵıdalaryna» ózgerister men tolyqtyrýlar engizý týraly jumystar júrgizýde.
Ýnıversıada nátıjesimen 2021 jyly 21-31 qańtarda Lıýsernde (Shveısarııa) ótetin XXX qysqy Ýnıversıada oıyndaryna Qazaqstannan qatysatyn sportshylar belgili bolady.
Esterińizde bolsa, 2017 jyly Qazaqstan TMD elderi arasynda alǵash ret Ýnıversıadany ótkizgen bolatyn. Qazaqstan Ýnıversıadaǵa 1993 jyldan beri qatysyp kele jatyr. Osy jyldary 186 medal ıelengen (106-qysqy, 80-jazǵy sport boıynsha).
