Aımaqtar • 11 Naýryz, 2020

Aqtaýlyq polıseıler esepte turǵandarmen jumysty júıeli júrgizýde

119 ret kórsetildi

Quqyq qorǵaý júıesiniń joǵary býyndarynyń ýchaskelik qyzmeti esh qıyndyqsyz múmkin bolmas edi. Ýchaskelik ınspektordyń mindetine ákimshilik ýchaskeni aldyn ala tekserý júrgizý, azamattardy qabyldaý jáne olardyń ótinishterin qaraý, esepte turǵan azamattarmen jeke aldyn alý jumystaryn júrgizý, atqarylǵan jumys týraly halyq aldynda esep berý jáne basqa da qyzmet túrleri kiredi dep habarlaıdy Mańǵystaý oblystyq polısııa departamenti baspasóz qyzmeti.

Máselen, ýchaskelik polısııa qyzmetkerleri Aqtaý qalasy boıynsha aldyn alý esebinde turǵan 251-den astam adamdy turaqty túrde tekserýde.

Maqsaty – buryn sottalǵan adamdar tarapynan quqyq buzýshylyqtardyń aldyn alý jáne eskertý, olarǵa qatysty ishki ister organdary qylmys jasaýdy azaıtýǵa baǵyttalǵan aldyn alý jumystaryn júzege asyrady. Ol úshin ýchaskelik ınspektorlar esepte turatyndardy turǵylyqty jeri boıynsha tekseredi. «Qamqorshylardyń» ár sapary ár túrli. Keıbireýler qoıylǵan suraqtarǵa tynysh jaýap beredi, ózderi áńgimelesýge belsendi qatysady. Al jaǵymsyz ómir saltyn ustanǵan, ákimshilik quqyq buzýshylyqtar jasaıtyn jáne sotpen qoıylǵan shekteý men mindetterdi oryndamaıtyn tulǵalar, árıne, bul tártip saqshylardyń kelgenderine qýanbaıdy.

Máselen, Aqtaý qalasy 4 shaǵyn aýdanynyń ýchaskelik polısııa ınspektorynyń baqylaýy men júrgizgen profılaktıkalyq jumystarynyń arqasynda túzeý mekemesinen bosap kelgen tulǵalar alkogoldik ishimdik ishýin jáne otbasy turmystyq salada quqyq buzýshylyq jasaýyn qoıyp, biri tehnıkalyq qyzmet kórsetý stansııasyna, biri elektr stansııasyna elektrık bolyp jumysqa ornalasty.

Inspektorlar sottalǵandardyń quqyqtary men mindetterin túsindiredi, olardy derekter bazasy boıynsha tekseredi. Qajet bolǵan jaǵdaıda keńes beredi jáne kómek kórsetedi.

Mańǵystaý oblysy

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar