Belgili ekonomıst, «Qazmunaıgaz Injınırıng» kompanııasy bas dırektorynyń keńesshisi Jaqsybek Qulekeevpen kezdesý kezinde elimizdiń áleýmettik-ekonomıkalyq damýy jóninde, memlekettik bıýdjettiń kiris bóligin qalyptastyrý, Qazaqstan ekonomıkasynyń energııalyq resýrstardyń eksportyna táýeldiligin tómendetý máseleleri talqylandy.
Qasym-Jomart Toqaev ekonomıkalyq ósimdi arttyrý, fıskaldy jáne monetalyq saıasatty jetildirý, kásipkerlikti damytý, otandyq ónim óndirýshilerdi qoldaý baǵyttarynda keshendi sharalar qabyldaýdyń mańyzdylyǵyna nazar aýdardy.
Memleket basshysy Ulttyq qoǵamdyq senim keńesiniń múshesi, Eýropalyq quqyq jáne adam quqyqtary ınstıtýtynyń dırektory Marat Bashımovpen kezdesý barysynda quqyq qorǵaý júıesine, zań jobalaryn jetildirýge jáne azamattyq sektordy damytýǵa qatysty máseleler sóz boldy.
Qoǵam qaıratkeri Memleket basshysynyń beıbit jıyndar týraly zańda jıyn ótkizý týraly aldyn ala eskertý qaǵıdaty bolýy tıis degen ustanymyn qoldaıtynyn aıtty.
