Shákárimniń oıly shákirtteri

2006 jyly mekteptiń irgesi qalanǵannan beri jas urpaqty Abaı men Shákárim taǵyly­myn­da tárbıeleý, jeke tulǵa­nyń shyǵar­mashylyq quzyrettili­gin damytý baǵytynda ashylǵan «Abaı-Shákárim» klýb-murajaıy jyldan-jylǵa tolysyp keledi. Basty nysanamyz – jas býyndy joǵary ıntellektýaldy, rýha­nı baı, ómirge áleýmettik jaǵynan beıimdelgen tulǵa re­tind­e qalyptastyrý jáne bilim men tárbıe isinde áýeli ulttyq qundylyqtardy shákirt boıyna sińirý.

Abaı men Shákárim shyǵar­ma­larynyń, basqa da kórnekti aqyn-jazýshylar men ǵalymdar­dyń qundy oı-pikirlerimen ún­de­stigi aıasyndaǵy kezdesýler­diń ur­paq úshin mańyzy zor. Osy oraıda belgili qoǵam qaırat­ker­­leri, ǵalymdar, aqyn-jazý­shy­lar­men júzdesýler jıi ót­kizi­ledi. Atalǵan maqsatta uıym­dast­yrylǵan dóńgelek ústelge L.N.Gýmılev atyndaǵy EUÝ oqy­týshysy, fılologııa ǵylym­­dary­nyń kandıdaty Omar Jálel, kórnekti Alash qaırat­­keri Qoshke Kemeńgerovtiń ur­­paǵy, L.N.Gýmı­lev atyndaǵy EUÝ qazaq ádebıeti kafedrasynyń dosenti Qaıyrbek Kemeńger jáne aqyn Almahan Muha­metqalıqyzy qatysyp, abaı­taný men shákárimtaný, alash­taný baǵytyn­daǵy óskeleń urpaq­pen baılanystyń mańyzyna toq­tal­ǵan bolatyn. Osy úrdis ári qa­raı jalǵasyn taýyp, Semeıdegi Abaı qoryq-murajaıynyń bólim meńgerýshisi Meıramgúl Qaı­ranbaeva, Qoljazbalar jáne sırek kitaptar ulttyq orta­lyǵy dırek­torynyń orynbasary Qaıyr­jan Kúzembaev jáne taǵy basqa zııa­ly­larmen jarqyn kezdesýler ótti.

Bilim ordasy bas shahardaǵy «Daryn» ortalyǵymen, Oqýshy­lar saraıymen, «Atameken» etnokeshenimen, murajaılarmen, Ulttyq kitaphanamen tyǵyz baılanys ornatqan. «Abaı-Shákárim» ortalyǵynda jyl saıyn qala­lyq «Abaı-Shákárim» oqýlary uıym­dastyrylyp keledi. Bıyl da Abaıdyń 175 jyldyq mereıtoıy qarsańynda mekteptegi ár sabaq Abaıdyń qanatty sóz­derimen sabaqtastyrylyp ót­kizilýde. Mektep ustazdary men oqýshylary bir-birinen chellendj qabyldap, aqyn óleńderi men ánderin nasıhattaýǵa úles qosýda. Abaı topyraǵyn basyp, erekshe shabytpen oralǵan shákirtterimiz ǵylymı jobalaryn jetildirip jatyr. Shákárim atyndaǵy pán kabıneti de bilim ordasynyń atalǵan esimge laıyq­ty ekenin baıqatady.

Sondyqtan «Men ólsem, ur­paǵym, artymda qalarsyń, shat­tyqpen shalqytyp, ánime sa­lar­syń» dep Shákárim jyr­laǵan­daı, aqyn amanatyna adal­dyq tanytyp kele jat­qan №56 mektep-lıseıiniń uıym­shyl ustazdar qaýymy men oqýshy­laryn áli talaı beles kútip tur dep oılaımyz.

Roza HALESOVA,

Shákárim atyndaǵy №56 mektep-lıseıi «Abaı-Shákárim» ortalyǵynyń jetekshisi