DINDARLAR DEMEÝI

Bıylǵy shyńyltyr qystan qysylyp shyqqan Shyǵys Qazaqstan, onyń ishinde Semeı óńiriniń shalǵaı aýdandarynyń tur­ǵyndary kóktem kele sý tasqynyna tap boldy. Naýryzdyń ortasynda kún ra­ıynyń birden 17 gradýsqa deıin jy­lynýy sebepti qystaı jaýǵan qalyń qar bir sátte erip, ózen sýlary arnasynan asyp, Tar­baǵataı aýdanynyń birneshe aýyly sý as­tyn­da qaldy. Apatty jaǵdaı Qy­zylkesik, Qa­banbaı, Jetiaral, Táýke, Su­lýtal syn­dy eldi mekenderde qa­lyptasyp otyr. Sý tasqyny ásirese, Kókjyra, Jántikeı aýyl­darynyń turǵyndaryna aýyr zardap ákeldi. Mundaǵy úıler túgeldeı derlik sý as­tynda qalyp, mal qyryldy. Qazirgi qolda bar derekterge súıensek, Tarbaǵataı aýda­nynda 7 myńǵa jýyq adam sý tas­qy­nynan zardap shegip, 35 myń mal basy opat bolǵan eken. Osyndaı qysyltaıań shaqta Qazaqstan musylmandary dinı basqarmasynyń tó­ra­ǵa­sy, Bas múftı Ábsattar qajy Derb­i­sáli haziret te shyǵystaǵy aǵaıyndardy na­zardan tys qaldyrmaı, rýhanı jáne ma­terıaldyq jaǵynan demeý kórsetýde. Aldymen din­ba­symyz respýblıkalyq BAQ arqyly apattan zar­dap shekken halyqty sa­byrlyqqa, shydamdylyqqa shaqyryp, bul bir Allanyń synaǵy ekenin, bir qıyn­shylyqtyń birneshe jaqsylyǵy bar ek­enin aıtyp jubatty. Sondaı-aq, Qazaq­stan musylmandary dinı basqarmasynyń Se­meı óńirindegi ókiline shuǵyl tapsyrma berip, halyqqa barynsha kómek kórsetý jó­ninde naqty mindet júktedi. Osy maqsatta Semeı qalasyndaǵy ortalyq meshitte tasqynnan zardap shekkenderge kómek kórsetý sharalary qolǵa alyndy. Jedel uıymdastyrýdyń arqasynda az ýaqytta úısiz-kúısiz qalǵan qandas­ta­ry­myz­ǵa alǵashqy járdem retinde 6 tonna azyq-túlik, dári-dármek pen kıim-keshek da­ıyn boldy. Sonymen qatar, osy Aqsýat óńi­riniń týmalary qazirde Semeı qa­lasynda turatyn qadirli el aǵalary bas bo­lyp tasqynnan zardap shekkenderge kó­mek kórsetýge arnal­ǵan shtab qurdy. Qal­taly kásip­ker­ler­den bas­tap, qarapaıym tur­ǵyndarǵa deıin óz úlesterin qosyp, qolushyn berýge tyrysty. Biz tasqyn bolǵan óńirge baryp zardap shekken tur­ǵyn­dar­dyń jaǵdaıy jergilikti basshylyqtyń, búkil eldiń, Elbasymyzdyń nazarynda ekenin, olar qamqorlyqsyz qalmaıtynyn, bir Alladan úmit úzbese, jaq­sylyqtyń bolatynyn baıandadyq. Mun­daı jarqyn áńgimeden keıin qamkóńil jan­dardyń kóńilderi ornyna túskendeı boldy. Aýyr jaǵdaıda qaıǵylaryn bólisken keń­peıil jandarǵa, Elbasymyzǵa, Din­ba­sy­myzǵa, júregi elim-jerim dep soǵatyn azamattarǵa alǵystaryn bildirdi. Sózimdi qorytyndylaı kele, barsha mu­sylman qaýymǵa bul ótpeli qıyndyqtar Alla taǵalanyń bizge jibergen synaǵy ekenin, oǵan kúpirlik keltirmeı, jaq­sy­lyqtan úmit úz­beı duǵa tilesek, bol­a­sha­ǵy­myz jarqyn bo­la­tynyn aıtqym keledi. Alla taǵala hal­qy­myz­ǵa amandyq, elimizge baq-bereke násip etsin! Tynyshtyq qajy IаHIIаULY, Qazaqstan musylmandary dinı basqarmasynyń Semeı aımaǵy boıynsha ókil ımamy.