Esterińizge salyp ótsek, ótken jyly jazda Túrkmenstan oblysynyń Arys qalasynda áskerı bólimniń qoımalyq oryndarynda oq-dáriler atylyp, olardyń órtenýi saldarynan bul mekenderde tótenshe jaǵdaı oryn alǵan edi. Jarylystardyń nátıjesinde eldi-mekendegi birneshe turǵyn úı men áleýmettik nysandarǵa zııan keltirilip, 45 myńǵa jýyq adam qaladan shyǵaryldy. Qazaqstandyqtar Arystaǵylardyń qaıǵysyna nemquraıly qaramaı, eldiń túkpir-túkpirinen japa shekkenderge gýmanıtarlyq kómegin jiberdi. Basqa aımaqtarda turatyn qurylysshylar az ýaqyttyń ishinde qaladaǵy buzylǵan úılerdi qalpyna keltirip berdi.
Arystaǵy qaıǵyǵa kóńil bólgenderdiń arasynda SANTO kompanııasynyń qyzmetkerleri de boldy: olar bir kúndik jalaqysyn aýdaryp, qala turǵyndary úshin birinshi qajettilik zattaryn, sonyń ishinde jeke gıgıena quraldaryn jınap berdi. Sondaı-aq kompanııa zardap shekkenderge kómek retinde tótenshe jaǵdaı kezinde jedel járdem kórsetý úshin qajet bolatyn dári-dármekter, atap aıtqanda, aýrýdy basatyn dáriler, kardıopreparattar, antıbıotıkter berip jiberdi.
«Bul jaǵdaı elde jeke farmasevtıkalyq óndiristiń bolǵany qanshalyqty mańyzdy ekenin kórsetti, – dep aıta ketti SANTO bas dırektory Ijı Ýrbanes. – О́ıtkeni tótenshe jaǵdaı bolǵan kezderde adamdardyń tezirek emdelýi eń aldymen dári-dármekterdiń qolda bolýyna baılanysty. Tótenshe jaǵdaılarda dári-dármektermen der kezinde qamtamasyz etý bizdiń táýelsizdigimiz ben qaýipsizdigimizdiń kepili».
2019 jyldyń sońyna qaraı SANTO kompanııasy Arys qalasyna ortalyq aýdandyq aýrýhanaǵa qazirgi zamanǵy medısınalyq jabdyqtar da – avtomattyq gematologııalyq analızator, 7 ınfýzııalyq bir arnaly sorǵysh, 2 optıkalyq-polıarlanǵan plantoskop, 7 medısınalyq sorǵysh jáne 2 defıbrıllıator jetkizip berdi.
«Halqymyzdyń qıyndyqqa ushyraǵandarǵa asarmen kómektesetin jaqsy bir dástúri bar. SANTO kompanııasy da arystyqtarǵa dári-dármektermen, aýrýhana úshin medısınalyq jabdyqtarmen tegin ári baǵa jetpes kómek kórsetti. Bul bıznestiń áleýmettik jaýapkershiliginiń, qıyn jaǵdaıǵa dýshar bolǵan adamdarǵa qaraılasýdyń laıyqty úlgisi», - dedi Qazaqstan Respýblıkasy Densaýlyq saqtaý mınıstrliginiń Taýarlar men qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Bıýrabekova.
