Aımaqtar • 12 Naýryz, 2020

«Qazaq arýy» ákesiniń ujymyna qonaqqa keldi

1239 ret kórsetildi

«Azamattarǵa arnalǵan úkimet» MK KEAQ Almaty qalasy fılıaly Medeý aýdandyq Jer kadastry jáne tirkeý bóliminiń basshysy Aıdar Beısembaev Jerge ornalastyrýshylar kúni qarsańynda úlken qýanyshqa keneldi. Qyzy Narǵyz respýblıkalyq «Qazaq arýy» baıqaýynyń bas júldesin jeńip alyp, ata-anasyna erekshe tartý jasady.

Ata-ana úshin balasynyń jetistikke jetip, qýanýynan asqan baqyt bar ma?!

Narǵyz - Aıdar Jetpisjanulynyń bes balasynyń ekinshisi. Almaty qalasy Ile aýdany Aqshı aýylyndaǵy №8 mektepti Altyn belgimen bitirip, T.Júrgenov atyndaǵy óner akademııasyna túsken. Búginde mýzykalyq drama fakýltetiniń 3-kýrsynda oqıtyn Narǵyz kóptegen fılmge túsip úlgergen. Rejısserler Aqan Sataev, Asqar Uzabaevtardyń «Bıznesmen», «Ǵazız júrek», «Kúı-ǵumyr» syndy fılmderindegi negizgi jáne basty rólderdi somdaǵan.

«Qyzym Narǵyz óz júreginiń qalaýy boıynsha óner salasyn tańdady, onyń tańdaýyna qarsy kelmedik. Ol mektepti jaqsy oqydy, fızıka-matematıkadan respýblıkalyq olımpıada jeńimpazy boldy. Ol ónerdi tańdamaǵanda, jaqsy matematık bolatyn edi», – deıdi ákesi Aıdar Jetpisjanuly.

Aıdardyń bes balasynyń úlkeni 22-de, eń kishisi - 9 jasta. Bári de qazaqy dástúrdi boıyna sińirip, tárbıeli, ónegeli bolyp ósip keledi. Bul oraıda jary Ásem Soltanqyzynyń eńbegi erekshe. Joǵary bilimdi zańger bola tura, jumysty qoıyp, ómirin bes balasynyń tárbıesine arnap otyr.

Osyndaı ónegeli otbasynyń otaǵasy Aıdar Jetpisjanuly 2012 jyldan beri Jer qadastry salasynda eńbek etip keledi.

2012-2015 jyldar aralyǵynda Almaty oblysy Qarasaı aýdandyq Jer kadastry bólimin basqarǵan ol, odan keıingi eńbek joly Almaty qalasyndaǵy «Azamattarǵa arnalǵan úkimet» MK KEAQ-ta  jalǵasyp otyr. Ujymda bedeldi basshy, tájirıbeli maman retinde syıly. 

«Qazaq arýy-2020» respýblıkalyq baıqaýyna qatysqan Narǵyz Aıdarqyzyna «Azamattarǵa arnalǵan úkimet» MK KEAQ Almaty qalasy fılıaly ujymy da jankúıer bolyp, qoldady. «Qazaq arýy-2020» baıqaýynyń bas júldegeri atanǵan Narǵyz Aıdarqyzy búgin ákesi eńbek etetin ujymǵa kelip, qonaqta boldy. Ol endi halyqqa memlekettik qyzmetterdi onlaın alýdy nasıhattaý maqsatynda, fılıaldyń «Izgilik elshisi» volonterleri qatarynda bolmaq. Sıfrlyq qyzmetterdi nasıhattaýǵa nıet bildirgen «Qazaq arýy» – Narǵyzdy fılıal dırektory Danııar Qyryqbaev quttyqtap, ujym atynan alǵysyn bildirdi. Bolashaqtaǵy ómir jolyna sáttilik tiledi.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar