Qazir kompanııa táýligine 10 myń dana maska shyǵarýda. Onyń basym bóligi Nur-Sultan, Almaty, Qaraǵandy qalalaryna jiberilip jatyr.
Jalpy, koronavırýs saldarynan taýar jetkizilimderi tizbeginiń úzilýi jáne elimizdiń negizgi eksporttyq pozısııalaryna álemdik baǵalardyń aıtarlyqtaı tómendeýine baılanysty «Atameken» Ulttyq kásipkerler palatasy otandyq bızneske túsetin teris áserdi tómendetý maqsatynda jedel shtab quryp otyr.
Jedel shtab bızneske keltirilýi múmkin táýekelderdi, ımporttyq shıkizat, jabdyq jáne qosalqy bólshekterdi satyp alýdaǵy problemalardy der kezinde anyqtaıdy. Kúndelikti málimetter negizinde Úkimetke usynymdar ázirleıdi.
