Bul jóninde búgin Túrkistan oblysy Taýarlar men kórsetiletin qyzmetterdiń sapasy men qaýipsizdigin baqylaý departamentinde «Kásipkerlik sýbektilerine barýmen profılaktıkalyq qadaǵalaý jáne baqylaýdy júrgizý jáne uıymdastyrý, taǵam jáne taǵam emes ónimderdiń tehnıkalyq reglamentter talaptaryna sáıkestigi boıynsha synamalar alý» taqyrybynda ótken semınar barysynda aıtyldy.
Departament basshysynyń orynbasary D.Tagıbaev tekserý barysynda nazar aýdarylýy tıis negizgi mindetterge toqtalyp, semınarǵa qatysýshylardyń zertteý barysynda týyndaıtyn máselelerge qatysty pikirlerin tyńdady.
Tehnıkalyq reglamentterdi baqylaý bóliminiń basshysy J.Kúzdikbaeva zerthanalyq zertteýge alynǵan 1537 taǵam ónimderi synamalarynyń 6,2 paıyzy, 838 tutyný buıymdary synamalarynyń 12,4 paıyzy tehnıkalyq reglament talaptaryna sáıkes emestigi anyqtalǵanyn atap ótti.
Anyqtalǵan kemshilikterdi joıý úshin ótken jyly 76 sanıtarııalyq uıǵarym berilip, 23 ákimshilik quqyq-buzýshylyq is qozǵalǵan. Jalpy salynǵan 4 835 375 teńge aıyppuldyń 934250 teńgesi sottyń qaýlysymen óndirilgen. Saýda oryndarynan tehnıkalyq reglament talaptaryna sáıkes kelmeıtin, jalpy quny 383799 teńgeni quraıtyn ónimder jetkizip berýshilerge keri qaıtarylǵan.
«Ulttyq saraptama ortalyǵy» ShJQ RMK Túrkistan oblysy boıynsha fılıalynyń Shymkent qalalyq bólimshesi bastyǵynyń orynbasary B.Abýova, sanıtarııalyq-gıgıenalyq zerthana meńgerýshisi A.Abdıeva, bakterıologııalyq zerthana meńgerýshisi B.Iskakova synamalardy alý jáne sanıtarııalyq-epıdemıologııalyq saraptaý boıynsha suraqtarǵa jaýap berip, tártibin túsindirdi.
Tehnıkalyq reglamentter talaptarynyń saqtalýyn baqylaý bóliminiń bas mamany N.Bekmuratov ónimderdiń qaýipsizdigin monıtorıngileý sheńberinde jospardyń oryndalý barysy jóninde baıandady.
Jıyn sońynda qala jáne aýdan departament basshylary jumysty júıeleý men jetildirý boıynsha óz usynystaryn ortaǵa salyp, mamandarmen keńesti.
