«Qazirgi ýaqytta vokzal qyzmetkerleri qajetti saqtyq sharalaryn saqtaýda: tynys alý organdaryn qorǵaý quraldaryn (maskalardy) paıdalaný jáne qoldy turaqty negizde dezınfeksııalaý.
Elorda vokzaldarynyń ǵımarattarynda ornatylǵan LED ekrandarda taqyryptyq rolıkter kórsetilýde jáne dezınfeksııalaý quraldary bar dıspenserlerdi ornatý boıynsha jumystar júrgizilip jatyr.
Esterińizge sala keteıik, 1 aqpannan bastap kelesi temirjol jolaýshylar baǵyttary toqtatyldy:
- №103/104 «Úrimshi – Almaty», Qytaı temir jolynyń poıyzy (Úrimshi qalasynan senbi kúnderi 6 vagon jáne Almatydan dúısenbi kúnderi 2 vagon). Altynkól-Qorǵas ótkizý pýnkti.
- № 13/14/53/54 «Nur-Sultan/Almaty – Úrimshi», «QTJ» UK» AQ» poıyzy (Almaty qalasynan 4 vagon jáne Nur-Sultan qalasynan 4 vagon senbi kúnderi jóneltiletin, Úrimshi qalasynan dúısenbi kúnderi jóneltiletin). Dostyq-Alashankoý ótkizý pýnkti.
Sonymen qatar halyqaralyq avtobýs tasymaldaýshylaryna vırýstyq ınfeksııalardyń aldyn alý sharalary týraly jadynama, sondaı-aq, kólik-kommýnıkasııa kesheni obektilerinde (avtovokzaldarda, kóliktik baqylaý beketterinde) kórsetilgen jadynamalardy ornalastyrý boıynsha hattar jiberildi» delingen habarlamada.
