«Indet anyqtalǵan adam Mılan-Nur-Sultan-Máskeý reısinen túsirilgen. Ol birden aýrýhanaǵa jetkizildi. Qazir ol stasıonarda jatyr. Emdik sharalar qabyldaýda. Densaýlyǵy qalypty. Bul reıste 90 adam bolǵan. Onymen baılanysta bolǵan adamdar anyqtalyp jatyr», – dedi S.Qısyqova.
Onyń aıtýynsha, aýrýdyń basty belgileri - joǵary temperatýra men jótel baıqalsa, úıde otyrǵan jón.
«Mundaı belgilermen medısınalyq mekemelerge barmaýlaryńyzdy suraımyz. Onyń ornyna koll-ortalyqqa nemese jedel járdem qyzmetine habarlasyp, keńes alyńyz. Koreıada jańa ınfeksııany juqtyrǵan naýqastar emhanaǵa kelip, tutas klınıkalardy qyzmetkerlerimen, kezek kútken adamdarmen birge karantınge japqan oqıǵalar boldy. Bul tájirıbe bizdiń de medısınalyq uıymdarda qoldanylady. Sondyqtan, bizdiń keńesterdi qatań ustanýdy suraımyz», - dedi S. Qısyqova.
