Respýblıkalyq jáne jergilikti BAQ ókilderi qatysqan sharada ýnıversıtet rektory Beıbitkúl Kárimova aımaqtaǵy bilim men ǵylymnyń qarashańyraǵy sanalatyn irgeli oqý ornyndaǵy bastamalar jaıly baıandady.
Bilikti maman daıarlaý qaı oqý ornynyń da aldynda turǵan basty mindet. Osy maqsatta aldaǵy sáýir aıynda mektep bitirýshiler arasynda oblystyq pándik olımpıadalar ótkiziledi. Sonyń qorytyndysyna sáıkes suranysqa ıe mamandar daıarlaý úshin ýnıversıtet tarapynan 2020-2021 oqý jylynda qabyldanatyn túlekterge rektor granty jáne óndiris oryndary jetekshileri, kásipkerler granttary bólinedi.
Qazirgi kúni balaǵa kásibı baǵdar berý jumystaryn erterek qolǵa alýdy eskergenimiz durys. Ýnıversıtette bul baǵytta arnaıy Jol kartasy qabyldanyp otyr.
– Biz kóbine mektep túlekteriniń bolashaq mamandyǵyna 10-11-synyptarda ǵana mán beremiz. Mamandyq árbir jastyń ómirlik tańdaýy bolǵandyqtan, shákirtter ony erte tańdap, soǵan beıimdelýi kerek. Bul – kásibı maman daıyndaýdyń basty sharty. Mine, osy jumystardy júıeli júrgizip, oqýshylarǵa kómek kórsetý, psıhologııalyq qoldaý bildirý maqsatynda naýryz aıynan bastap ýnıversıtette «Rekrýtıng» ortalyǵy ashyldy, – dedi rektor.
Kezdesýde bilimdi maman daıarlaýdaǵy bastama jaıly qoǵam qaıratkeri Ábdijálel Bákir, «Qyzylorda» telearnasynyń dırektory Jaǵyppar Qarabala, oblystyq «Kyzylordınskıe vestı» gazetiniń bas redaktory Qazybek Botaev pikir bildirip, birqatar usynystar aıtty.
Ýnıversıtet basshylyǵy men «Syr medıa» JShS, «Qyzylorda» telearnasy jetekshileri arasynda kelisimge qol qoıylǵannan keıin birqatar áriptesterimizge Qorqyt Ata atyndaǵy «Altyn medal», «Úzdik túlek» tósbelgileri taǵylyp, «Qurmet gramotasy» tabys etildi.
