Almaty qalasynyń Mádenıet basqarmasy kelesi shekteýlerdi engizýde:
- 2020 jyldyń 13 naýryzynan bastap Almaty qalasynyń aýmaǵynda barlyq buqaralyq mádenı is-sharalardy, konferensııa, semınarlar, kórmelerdi ótkizýge ýaqytsha tyıym salý engizilsin;
- Halyqaralyq mádenı is-sharalarǵa barý maqsatynda 1A, 1B, 2 jáne 3 sanattaǵy elderge shyǵýǵa shekteý engizý.
Almaty qalasynyń Mádenıet basqarmasy shahardyń barlyq tıisti uıymdary men mádenıet mekemelerine óz uıymdarynyń aýmaǵynda qajetti quraldarmen: sanıtaızerler, antıseptıkter jáne koronavırýstyq ınfeksııanyń aldyn alý jónindegi jadynamalarmen qamtamasyz etýde sanıtarlyq-profılaktıkalyq is-sharalardy kúsheıtý jóninde usynystar bildirdi.
Mádenıet basqarmasy bekitken josparǵa sáıkes 2020 jyldyń birinshi jartyjyldyǵyna 40-tan astam is-sharalar josparlanǵan. Onyń ishinde, búgingi tańda 14-i toqtatylsa, qalǵan 26 shara aǵymdaǵy jyldyń ekinshi jartyjyldyǵyna aýystyryldy.
Almaty qalasy boıynsha mádenı-buqaralyq is-sharalardyń kúntizbelik josparyna sáıkes monıtorıng júrgizildi. Onyń qorytyndysy boıynsha naýryz-sáýir aılarynda mádenı-oıyn-saýyq uıymdary boıynsha 211, al teatrlarda 383 is-sharalarǵa shekteý qoıyldy. Qala boıynsha barlyǵy 608 is-shara toqtatyldy.
Sondaı-aq, búginde qalada barlyq kınoteatrlar, haıýanattar baǵy, murajaılar, kitaphanalar jumysyn toqtatty.
ALMATY
