19 naýryz kúni saǵat 00.00-den bastap engiziletin Nur-Sultan jáne Almaty qalalarynyń aýmaǵyna adamdardyń kirýine nemese shyǵýyna kelesi sanattaǵy tulǵalar úshin qoldanylmaıdy:
Buǵan deıin qaladan shyǵyp ketken Nur-Sultan jáne Almaty qalalarynyń turǵyndary qalaǵa oralǵan jaǵdaıda;
Buǵan deıin qalaǵa kirgen basqa óńirlerdiń turǵyndary qaladan shyǵatyn bolsa;
Buǵan deıin shetelderge shyǵyp ketken Qazaqstan Respýblıkasynyń azamattary (olar Qazaqstan Respýblıkasyna oralǵan jaǵdaıda);
Buǵan deıin elden shyǵý úshin Qazaqstan Respýblıkasynyń aýmaǵyna kirgen jáne elden shyǵyp ketý maqsatynda áýe kóligimen shyǵatyn sheteldikterge;
Sheteldikter (azamattyǵy joq tulǵalar), Qazaqstan Respýblıkasynda turýǵa yqtııarhaty bar tulǵalarǵa;
Buǵan deıin shetel memleketiniń aýmaǵyna shyǵyp ketken Qazaqstan Respýblıkasynyń azamattary Qazaqstan Respýblıkasyna oralǵan jaǵdaıda;
Emdelý úshin shetelge shyǵatyn Qazaqstan Respýblıkasynyń azamattaryna, olardyń densaýlyq saqtaý mekemeleriniń rastaýshy qujattary bolǵan jaǵdaıda;
Eldiń jáne shetel memleketteriniń dıplomatııalyq qyzmetiniń personaly jáne olardyń otbasy múshelerine, sondaı-aq Qazaqstanǵa Qazaqstan Respýblıkasynyń Syrtqy ister mınıstrliginiń shaqyrýy boıynsha baǵyt alǵan shetel memleketteriniń jáne halyqaralyq uıymdardyń delegasııa múshelerine;
Poıyz jáne lokomatıv brıgadalarynyń múshelerine, sondaı-aq temirjol tasymaly prosesine qatysatyn tulǵalarǵa, áýe, teńiz kólikteriniń ekıpajyna, halyqaralyq júk tasymalyn júzege asyratyn júk avtokóligi quraldarynyń júrgizýshilerine;
Qazaqstan Respýblıkasy azamattarynyń otbasy músheleri bolyp sanalatyn sheteldikterge (týystyq baılanys faktisi - eri (zaıyby), olardyń ata-analary men balalary ekeni rastalǵan jaǵdaıda);
Nur-Sultan jáne Almaty qalalarynda jumys isteıtin, qala mańy aýmaqtarynda turatyn turǵyndarǵa;
Basqa da erekshe jaǵdaılarda, mundaı jaǵdaılar COVID-19-ben kúresý jónindegi qalalyq shtabtarda derbes tártipte qaralady.
