Oblys tarıhyna kó zsalsaq, osyda týra bir ǵasyr bury Qostanaıǵa shoıyn jol tartylyp, tútini býdaqtaǵan otarba kelgen eken. Endi mine, qostanaılyqtar vokzalda jalaýlatyp, elektrovozdy kútip aldy. Mashınıst Qaırat Hasenov Qostanaı temir joly bólimshesiniń basshysy Ermek Temirbaevqa elektrovozdyń kelgeni týraly saltanatty túrde baıandady.
Oblys tarıhyna kó zsalsaq, osyda týra bir ǵasyr bury Qostanaıǵa shoıyn jol tartylyp, tútini býdaqtaǵan otarba kelgen eken. Endi mine, qostanaılyqtar vokzalda jalaýlatyp, elektrovozdy kútip aldy. Mashınıst Qaırat Hasenov Qostanaı temir joly bólimshesiniń basshysy Ermek Temirbaevqa elektrovozdyń kelgeni týraly saltanatty túrde baıandady.Elektr qýatymen júretin poıyzdyń tuńǵysh jolaýshylary temirjolshy ardagerler bolǵanynyń sánimen qatar, urpaqqa úlgi bolar máni de bar edi. Uly Otan soǵysynyń ardageri, Qostanaı oblysy men Qostanaı qalasynyń qurmetti azamaty, KSRO-nyń qurmetti temirjolshysy Bertran Rýbınshteın aqsaqal elimizdegi temir jol tarıhyn jáne osy salanyń damý múmkindikterin, jaǵdaıyn bes saýsaqtaı biletin kisi. Ol Qostanaıǵa temir jol qozǵalysyn elektrli júıege kóshirý máselesiniń Keńes odaǵy jyldary qozǵalyp, qalyp qoıǵanyn aıta kelip, búgin óziniń osy jańalyqqa kýá bolyp otyrǵanyna qýanyshyn jetkizdi. Ekologııalyq taza jáne qýatty elektrovozyn Qostanaı óńirinde júrgizý úshin «Qazaqstan temir joly» ulttyq kompanııasy 2011jyldan «Qostanaı –Jelezorýdnaıa ýchaskesin elektrlendirý» ınvestısııalyq jobasynyń qurylysyn bastaǵan bolatyn. Arasy 46 shaqyrym bolatyn eki stansanyń arasyndaǵy temir jol túgel elektrlendirilip, tıimdiligi joǵary elektrovozdyń júrýine múmkindik týdy. Saltanatta Qostanaı qalasynyń ákimi Ǵaýez Nurmuhanbetov toqpen júretin poıyzdyń kelýin tarıhı oqıǵaǵa balady.
– Temir jol qozǵalysyn elektr júıesine kóshirý – alǵa damýdaǵy mańyzdy qadam. Qostanaıda 1913 jyly tuńǵysh otarba, parovoz paıda boldy. Odan elý jyl ótkennen keıin, ıaǵnı 1964 jyly ol otynmen júretin teplovozǵa almastyryldy. Al taǵy elý jyldy artqa tastaǵan soń, mine, 2013 jyly elektrovozǵa qolymyz jetip tur. Damý dońǵalaǵy osylaı alǵa jyljyp keledi. Temir joldyń damýy Qostanaı qalasynyń kórkeıýine de yqpal etedi, – dedi Ǵaýez Torsanuly.
Temir joldaǵy bul jobaǵa 5 mıllıard teńgeden astam qarjy jumsalǵan. Elektrlendirýdiń arqasynda oblys ortalyǵynan óńirdegi Jelezorýdnaıa, Tobyl, Lısakov stansalaryna júretin poıyzdardyń jyldamdyǵy artyp, qolaılyǵy da jaqsara túsken. Sala mamandarynyń aıtýynsha elektrli júıeniń kelýi Qostanaı qalasynyń jáne óńirdiń ekologııasyn serpiltýge yqpal etedi. Oblystan artylatyn temir keni, qurylys materıaldary sııaqty júk tasymalynyń kólemi artady. Jolaýshylar tasymalynyń jyldamdyǵymen qatar qaýipsizdigi de jaqsarady. Elektrovoz júrisiniń shyǵyny teplovozǵa qaraǵanda eki ese az. Al onyń ekonomıkalyq tıimdiligi jylyna 60 mıllıon teńgege jýyqtaıtyn bolady. Eń bastysy, temir joldyń elektrmen jabdyqtalatyn ýchaskelerinen 21 adam ózderine jumys ornyn tapty.
Názıra JÁRIMBETOVA,
«Egemen Qazaqstan».
QOSTANAI.
