Aımaqtar • 18 Naýryz, 2020

Almaty: Jer satyp alýǵa 6 mıllıard teńge bólindi

42 ret kórsetildi

Bul 2020 jyly ıgerilýi tıis qarjy. Bul týraly bizge qalalyq ákimdiktiń baspasóz bólimi habarlady.

Aqparatqa sáıkes, bıyl 43 jer ýchaskesin alyp qoıý josparlanǵan. Infraqurylymdyq jobalardy júzege asyrý úshin ýchaskeler alynǵan.

Atap aıtqanda, Abaı dańǵylyn Jandosov kóshesine deıin uzartý, Rysqulov pen Emsov, Buqtyrma jáne Qulja trassalarynyń qıylysynda kólik toraptaryn salý úshin jer telimderi satyp alynady. Sonymen qatar, Jeltoqsan kóshesinen bastap, Tımırıazev, Jandosov, Súleımenov, Mustafın kóshelerimen Saın kóshesine deıin, Abylaı han kóshesin keńeıtý jáne Naýryzbaı aýdanynda negizgi magıstraldi kóshelerdi (MDP) salý arqyly Jeltoqsan kóshesinen joǵary jyldamdyqtaǵy avtobýs kóligi (BRT) júıesi bar kóshe jelisin qaıta qurý úshin jer ýchaskeleri memlekettiń paıdasyna satylyp alynady.  Sonymen qatar, Alataý aýdanyndaǵy Darhan shaǵynaýdanynda mektep salý, Jetisý aýdanyndaǵy «Kırpıchnyı» qosalqy stansııasy men ortalyq stadıondy qaıta qurý úshin ýchaskeler tárkilenedi.

Memlekettik qurylym 2018-2019 jyldary 20,5 mlrd teńgege 58,2 ga jer satyp aldy.

Eske salaıyq, megapolıste 20,2 mıllıard teńgege úsh deńgeıli jańa jol qurylysy salynyp jatyr.  Jańa joba  Almatynyń soltústik-shyǵys bóligin bir-birimen jalǵastyrady.

Buǵan deıin qala ákimdigi 2020 jyly respýblıkalyq bıýdjetten kóshelerdi asfalttaýǵa jáne jol aıryqtaryn salýǵa respýblıkalyq bıýdjetten 16,1 mıllıard teńge bólinetinin habarlady.

Sondaı-aq metroǵa 35,1 mıllıard teńge bólingen. Bul - 2020 jyly Almatynyń jańarǵan beınesin tolyqtyratyn jańa jobalar.

ALMATY

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar