Olar qalanyń barlyq kireberisterinde, onyń ishinde 10 magıstralde ornalasady. Karantın kezeńinde kólik quraldarynyń qalanyń syrtqy shekarasynan tys jerlerge kirýine jáne shyǵýyna shekteý qoıylady.
Osyǵan baılanysty Almaty polısııasy azamattardy sapar marshrýttaryn aldyn-ala josparlap, retteýge, tótenshe jaǵdaılar, karantın, jol qozǵalysy erejelerin qatań saqtaýǵa, sonymen qatar ishki ister organdary qyzmetkerleriniń zańdy talaptaryn sózsiz saqtaýǵa shaqyrady.
Tótenshe jaǵdaı rejımin buzýǵa nemese tótenshe jaǵdaıdy jarııalaýǵa baılanysty talaptardy oryndamaǵandar on aılyq eseptik kórsetkish mólsherinde aıyppul tóleıdi nemese on bes kúnge deıin ákimshilik qamaýǵa alynady.
«Tótenshe jaǵdaı jarııalanǵan aımaqtaǵy bılik ókiliniń zańdy talabyn nemese ókimin oryndamaǵandarǵa eki myń aılyq eseptik kórsetkish mólsherinde aıyppul salynady. Sondaı-aq alty júz saǵatqa deıin qoǵamdyq qyzmetke tartylý nemese bostandyqty shekteý arqyly jazalanady» deıdi Almaty polısııa departamentiniń resmı ókili Saltanat Ázirbek
Sonymen qatar quqyq qorǵaý oryndary tótenshe jaǵdaı kezinde kórineý jalǵan aqparat taratýdyń aldyn alý týraly eske saldy. Mundaı áreketke barǵandar úsh jyldan jeti jylǵa deıin bas bostandyǵyn aıyrylady.
ALMATY
