Koronavırýstyq ınfeksııanyń taralýyna jol bermeý maqsatynda kún saıyn kireberister, esikter, lıftiler, súıenishter, tereze jaqtaýlary jáne t. b. dezınfeksııalanady. Qala ákimi Altaı Kólginov turǵyndardyń retsiz úıden shyqpaý kerek ekendigin, sondaı-aq turǵyndar barlyq qaýipsizdik sharalaryn ustanýy tıis ekendigin aıtty, «birlik tanytý kerek, jumyla ǵana bul kezeńnen óte alamyz».
Qalanyń áleýmettik nysandarynda, áýejaıda, vokzaldarda, bazarlarda, saýda úılerinde, saýda oıyn-saýyq jáne adamdar kóp jınalatyn jerlerde sanıtarlyq-dezınfeksııalyq rejım kúsheıtildi. Sonymen qatar avtobýstar men kommýnaldyq qyzmetterdiń mashınalary da dezınfeksııadan ótedi. Elordada koronavırýstyq ınfeksııanyń taralýyna jol bermeý boıynsha sharalar qabyldandy: jedel shtab jumys istep jatyr. Koronavırýstyq ınfeksııa jaǵdaılary anyqtalǵan kezdegi is-qımyl algorıtmi ázirlendi.
