Ázil - ospaq, syn - syqaq
Birde...
Bir joly Baspasóz úıinde Muzafar Álimbaev bastaǵan bir top kisi lıftige otyrǵan kezde Kádirbek Segizbaev syımaı qalsa kerek. Ol qysylyp-qymtyrylyp kımelep kirmek bolady. Sonda Muzaǵań oǵan qarap:
– Káne, osy arada oılanbaı bir mysal aıtshy, ala keteıik, – deıdi.
Kádirbek te saspastan:
– Jazatyny maqal, ózi sondaı nahal! – dep tartyp qalypty.
Al Muzaǵań bolsa:
– Ottapsyń, ony Taıyr aıtqan! О́zińnen kór. Sen qaldyń, biz kettik, – degen eken.
* * *
Aqyn Hamıt Erǵalıev aǵamyzdy jurt Hamań deıdi. Al basqa bireýdi Hamań degendi ol kisi unata bermeıdi.
Bir joly Hamań Taýman Amandosovqa telefon shalyp, esen-saýlyqtan soń: «Qasyńda kim bar?» – dep suraıdy. Sol kezde onyń kabınetinde Abdýl-Hamıt Marhabaev otyrsa kerek. Tákeń jymyń etip:
– Hamań otyr, – deıdi.
Hamıt aǵa gúr ete qalady.
– Onyń kim edi taǵy?
Tákeń otqa maı quıa túsedi.
– Myna Marhabaev degen jigit men de Hamańmyn deıdi ǵoı...
«Shyn» Hamań endi ashýǵa basady:
– Nemene, oǵan basqa at quryp qalyp pa?
Istiń mán-jaıyn endi túsine bastaǵan Marhabaev Tákeńe jata jalynady: «Oıbaı, Táke, endi búldirip alamyz, meni jaman Hamań deńiz».
Tákeń onyń ótinishin Hamańa jetkizedi. Sonda ol:
– E, aınalaıyn, esi bar jigit eken ǵoı ózi, – dep raıynan qaıtqan eken.
* * *
Belgili partııa jáne keńes qyzmetkeri Qaztaı Ultaraqov oblystyq partııa komıtetiniń aýyl sharýashylyǵy bóliminiń meńgerýshisi bolyp júrgen kezde bir jigitti qyzmetke alady. Onyń famılııasy Baıpaqov eken.
Sonda Ultaraqov:
– Osy qazaq ta neshe túrli at qoıa beredi eken-aý! – dep tańyrqasa kerek. Sonda áriptesi Myrzahmet Moldahmetov:
– Qazeke-aý, nesine tańyrqaısyz? Baıpaq ultaraqtan góri táýirleý emes pe? – depti.
Ákim QOJAULY.
ASTANA.
Bir aqynǵa
Bir qolymda óleńim,
Bir qolymda bóbegim,
Dep jazypty bir aqyn
Bes qaıtalap óleńin.
Myqty bolsyn óleńiń,
Aman bolsyn bóbegiń,
Túsinbedim men biraq
Ne aıtqysy kelgenin.
Mundaı oı men uıqasty
Qasymnan da kórgenmin,
Dosymnan da kórgenmin.
Tolǵaǵy kelse óleńniń,
Bóget bolmas bóbegiń.
Daıyn uıqas qaıtalap,
Kóbeıtpeıik kólemin.
Jyrlaıyqshy, aqyndar,
Oqyrmanǵa keregin,
Mánin qurtpaı óleńniń.
Qazyhan ÁShE.
ALMATY.
Góı-góı
Ekeýi
Bótelkeni ap ortaǵa,
Egemendigimizdi jýyp,
Áńgimeni bylaısha qýyp otyr.
– Ámerıkanyń fermerleri
Shetterinen baı bolady,
Tehnıkasy saı bolady,
Janarmaıdan da taryqpaıdy,
Shiderlenbeı, sharyqtaıdy.
Bolady eken uqypty,
Eselenip, eńbegi,
Top basyna shyǵypty.
– Iаpyrmaı, á!
Japonnyń radıotehnıkasy myqty,
Teledıdaryn kilemdeı,
Qabyrǵaǵa iledi, tipti!
– Iаpyrmaı, á!
– Túrikter epsekti,
Jıyp, teri-tersekti,
Keremetterdi isteıdi.
Zattarynyń baǵasy,
Bazarda túspeıdi.
– Iаpyrmaı, á!
– Nemister avtokólikti qatyrady,
Tańdaı qaǵyp,
Talaı jurt « ah» urady.
– Iаpyrmaı, á!
– Italııa ónerdi baǵalaıdy,
Ozǵanyn kúndep,
Aqyndaryn sabamaıdy.
– Iаpyrmaı, á!
– Brazılııa
Fýtbolyńdy tebedi,
Kezdesken komandasyn,
Byt-shyt etip jeńedi.
Ulttyq oıyny sol eken,
Tepken doby gol eken!
– Iаpyrmaı, á!
– Úndiniń kınosy-aı!
– Iаpyrmaı, á!
– Grýzınniń vınosy-aı!
– Iаpyrmaı, á!
– Al bizdiń qandastar she?
– E-e, jartysy ózge tilde sóıleıdi.
– Tańdanýmen shetelge,
Taýysa almaı júr góı-góıdi!
– Iаpyrmaı, á!
Nurmahan ELTAI.
Qyzylorda oblysy.
Solaı boldy, balam!
– As pen toıǵa, balam,
Qazir keıbir adam,
Ártúrli «baǵa» beretin boldy...
Jasaǵan qamynan,
Soǵymnyń sanynan,
«Habar» alyp keletin boldy.
As pen toı ıesiniń,
Qoldaýshy kıesiniń,
Kim ekenine de qaraıtyn boldy.
Kele syrtta turǵan,
Kólikterdi jyldam,
«Kalkýlıatormen»
sanaıtyn boldy...
«Djıpterdi» bir bólek,
«Mersedesti» bir bólek,
Erekshe esepteıtin boldy...
Sharýasy shalqyǵan,
Egeleriniń aldynan,
Elpektep, kesip ótpeıtin boldy.
Sóılespeı jaı kisimen,
Kelgenderdiń ishinen,
«Kósemderdi» izdeıtin boldy...
Qoısań da kópshikti,
Kedeı-kepshikti,
Kisi sanatyna tizbeıtin boldy.
Basynda «baǵy» bar shaqyrsa,
Súrinip-qabynyp
