Aqan Sataev kanadalyqtarmen birge jańa fılm túsirmek
Bul kúnderi elimizdegi «Sataıfılm» kınokompanııasy kanadalyq Know Rules Media kınokompanııasymen birigip, «Haker» kınojobasyn júzege asyrýǵa kirisip ketti. Qazaqstandaǵy eń tabysty rejısser sanalatyn Aqan Sataev buǵan deıin «Reketır», Jaýjúrek myń bala», «Adasqandar», «Lıkvıdator» atty kartınalardy túsirip, otandyq kınematografııada óz bedelin myqtap bekemdegen sýretker.
Aqan Sataev kanadalyqtarmen birge jańa fılm túsirmek
Bul kúnderi elimizdegi «Sataıfılm» kınokompanııasy kanadalyq Know Rules Media kınokompanııasymen birigip, «Haker» kınojobasyn júzege asyrýǵa kirisip ketti. Qazaqstandaǵy eń tabysty rejısser sanalatyn Aqan Sataev buǵan deıin «Reketır», Jaýjúrek myń bala», «Adasqandar», «Lıkvıdator» atty kartınalardy túsirip, otandyq kınematografııada óz bedelin myqtap bekemdegen sýretker.
Al jańa kınojobanyń sıýjetine kelsek, óndirdeı jas jigit hakerliktiń uńǵyl-shuńǵylyn meńgere kele ońaı olja tabýǵa qunyǵa bastaıdy. Alaıda, adam óziniń barlyq áreketine jaýap berýi tıis qoı. Kúnderdiń kúninde «jeńil kelgen aqshanyń» óteýi aýyr bolaryn kim bilgen... Ǵalamtor kezgen qylmysker ózi qazǵan ordan ózi shyǵa ala ma? Jańa kartına osy jaıynda.
– Biz úshin Sataevpen seriktes bolý úlken mártebe. Biz óz tarapymyzdan tabysty kıno túsirý úshin qoldan kelgendi jasaımyz, – deıdi kınojobanyń birikken prodıýseri Sanjar Sultanov.
Aıtqandaı, Know Rules Media kınokompanııasynyń prezıdenti – Loýden Oýen myrzanyń dáp ózi. Ol «Tıtanık», «Park Iýrskogo perıoda» atty atyshýly kartınalardy túsirgen 3D tehnologııasymen qamtamasyz etilgen Softlmage kompanııasyn qarajattandyryp, iske qosýymen de áıgili bıznesmen.
Sondaı-aq, jobany qazaqstandyq iskerler Ǵalymjan Meırambekov pen Janbolat Serikov qarjylandyratyny belgili bolyp otyr. Sol sııaqty, demeýshiler qatarynda Mobli kompanııasynyń negizin qalaǵan Erkin Raqyshevtyń da aty atalýda. Ázirge kartına bıýdjeti qandaı qarajatty qajet eteri aıtylǵan joq.
«Haker» kartınasynyń kınobazasy Toronto qalasynda qonystanatyn bolady. Al aldaǵy qyrkúıek aıynan bastap qyzý daıyndyq jumystary qolǵa alynyp, jańa kınojoba bedeldi halyqaralyq kınofestıvalderdiń birinde tanystyrylady. Fılmdi túsirý jumystary Nıý-Iork, Toronto, Dýbaı men Bangkokta jalǵasady.
Ázirge kartınaǵa túsýge kastıng júrgizilmegen. Degenmen, bizge belgilisi, basty jáne ekinshi kezektegi rólderdiń barlyǵyn amerıkalyq jáne kanadalyq akterlar oınaıtyn bolady. Olardyń arasynda álemge áıgili kınojuldyzdar da bar.
Aınash ESALI,
«Egemen Qazaqstan».
ALMATY.
