Jumyspen qamtýdy úılestirý jáne áleýmettik baǵdarlamalar basqarmasy koronavırýstyń taralýyna jol bermeý maqsatynda adamdar arasynda fızıkalyq baılanys boldyrmaý úshin áleýmettik – eńbek salasyndaǵy memlekettik qyzmetterdi, atap aıtqanda jumys izdep júrgen adamdarǵa jáne jumyssyzdarǵa járdemdesý; sheteldik jumys kúshin tartýǵa jumys berýshilerge ruqsat berý jáne (nemese) uzartý; ótinish berýshiniń (otbasynyń) ataýly áleýmettik kómek alýshylarǵa tıesiligin rastaıtyn anyqtama berý; jumyssyz retinde tirkeý týraly anyqtama jáne t.b.) qyzmetterdi elektrondyq úkimet portaly arqyly usynady.
-Sondaı-aq basqarma qaǵaz túrinde kórsetiletin qyzmetterdi elektrondyq úkimet portalynyń «elektrondyq ótinishter» veb-portaly arqyly alýǵa múmkindik jasap otyrmyz. Bul úshin oblys turǵyndary Qazaqstan Respýblıkasy Ulttyq kýálandyrýshy ortalyǵynyń elektrondyq sıfrlyq qoltańbasynyń kómegimen portalda tirkelýi qajet. Osylaısha, úıden shyqpaı-aq, buryn qaǵaz tásilimen kórsetiletin 24 qyzmetti qashyqtyqtan alýǵa bolady,- dedi Jumyspen qamtýdy úılestirý jáne áleýmettik baǵdarlamalar basshysynyń mindetin atqarýshy Jaısańgúl Dospolova.
«Elektrondyq ótinishter» veb-portalyn paıdalaný úlgisi oblys ákimi apparatynyń resmı saıtynda jáne áleýmettik jelilerdegi basqarma betterinde ornalastyrylǵan.
Aǵymdaǵy jyly halyqty jumyspen qamtýǵa járdemdesý úshin 2,0 mlrd teńge bólindi, onyń 1,5 mlrd teńgesi jergilikti bıýdjetten, 500,0 mln teńgesi respýblıkalyq bıýdjetten. Eldegi jaǵdaıdyń qazirgi jaı-kúıin eskere otyryp, respýblıkalyq bıýdjetten 196,0 mln. teńge mólsherinde qosymsha qarajat bólý úshin bıýdjettik ótinim berildi.
Mańǵystaý oblys turǵyndary ózderin tolǵandyrǵan suraqtaryn 605 464 (jumyspen qamtýdy úılestirý bólimi) jáne 605 448 (áleýmettik kómekter bólimi) telefondary boıynsha qoıa alady.
Búgingi tańda azamattardy jumysqa ornalastyrý sharalarymen kóbirek qamtý úshin Qazaqstan Respýblıkasynyń Eńbek jáne halyqty áleýmettik qorǵaý mınıstrligimen birlesip halyqty jumyspen qamtýdyń Jol kartasy ázirlenýde. Jol kartasy sheńberinde ınfraqurylymdy, turǵyn úı – kommýnaldyq sharýashylyqty jáne abattandyrýdy damytý jobalaryna jumyssyzdardy jumysqa ornalastyrý kózdelgen. Jumysqa ornalasqan azamattardyń jalaqysy keminde eń tómengi jalaqynyń 2 eselengen mólsherinen kem emes bolady.
Mańǵystaý oblysy
