«Qarapaıym zattar ekonomıkasy» baǵdarlamasy aıasynda túıe sharýashylyǵyn keńeıtý jobasynda jyldyq 6%-ben nesıelendirý joldary qarastyrylǵan. Aýylsharýashylyq salasynyń mamandary oblys ákimi О́mirzaq Shókeevtiń bastamasymen júzege asyryla bastaǵan joba 8-9 aıda ózin-ózi aqtaıtynyn aıtýda. Búgingi kúni túıe sharýashylyǵyn damytýǵa nıettengen 80 aýyl sharýashylyǵy taýar óndirýshileri anyqtalǵan, 3070 analyq túıe satyp alynbaq. Bul oraıda qarjy uıymynan quny - 1 mlrd 115 mln teńge bolatyn 3 joba maquldanyp otyr.
Sondaı-aq, «Golden camel group ltd» JShS-y «1000 basqa arnalǵan saýyndy túıe keshenin salý» jobasyn iske asyra bastady. Osy arada aıta ketelik, táýligine 100 tonna túıe sútin qaıta óńdeý múmkindigi bar «Golden camel group ltd» tolyq qýatynda jumys isteı almaı keledi. Qazirgi tańda kásiporyn 5 sút qabyldaý beketteri (Sozaq, Ordabasy, Otyrar aýdandary men Túrkistan qalasy) arqyly 20 sharýa qojalyqtarymen kelisimshartqa otyryp, táýligine 5 tonna túıe sútin qabyldaýda. Bir lıtrin 1000 teńgeden ótkizip otyrǵan túıe sharýashylyqtary jáne aýyl turǵyndary úshin ónim ótkizýge úlken múmkindik jasalýda. Jýyrda «Golden camel group ltd» JShS Qytaıǵa túıe sútinen daıyndalǵan 13 tonna daıyn untaq ónimin eksportqa shyǵardy.
Túrkistan oblysy
