2013 jylǵy 2 mamyr, Astana, Úkimet Úıi
Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 8-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 2 mamyrdaǵy №446 qaýlysymen bekitilgen
Jańadan paıdalanýǵa beriletin generasııalaıtyn
qondyrǵylardy salýǵa tender ótkizý qaǵıdalary
1. Jalpy erejeler
1. Osy jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdalary (budan ári - Qaǵıdalar) «Elektr energetıkasy týraly» Qazaqstan Respýblıkasy Zańynyń (budan ári – Zań) 4-babynyń 8-1) tarmaqshasyna sáıkes ázirlendi jáne jańadan paıdalanýǵa beriletin generasııalaıtyn qondyrǵylardy salýǵa tender ótkizý tártibin aıqyndaıdy.
2. Osy Qaǵıdalarda Zańmen kózdelgen uǵymdar jáne mynadaı negizgi uǵymdar paıdalanylady:
1) tenderdi uıymdastyrýshy – elektr energetıkasy salasyndaǵy ýákiletti organ;
2) tenderge qatysýshy – osy Qaǵıdalarǵa sáıkes jańadan paıdalanýǵa beriletin generasııalaıtyn qondyrǵylardy salýǵa arnalǵan tenderge óziniń qatysatyndyǵy týraly málimdegen áleýetti ınvestorlar;
3) tenderlik qujattama – jańadan paıdalanýǵa beriletin generasııalaıtyn qondyrǵylardyń sıpaty men talap etiletin tehnıkalyq, sapalyq jáne paıdalaný sıpattamasy jáne jańadan paıdalanýǵa beriletin generasııalaıtyn qondyrǵylardy salýǵa arnalǵan úlgi shart negizinde jańadan paıdalanýǵa beriletin generasııalaıtyn qondyrǵylardy salýǵa arnalǵan shart jobasy qamtylǵan jańadan paıdalanýǵa beriletin generasııalaıtyn qondyrǵylardy salýǵa arnalǵan tenderlik qujattama toptamasy;
4) qatysýǵa ótinim – tenderdi uıymdastyrýshyǵa tenderge qatysýshy usynǵan jáne tenderdi uıymdastyrýshynyń jáne osy Qaǵıdalardyń 7-tarmaǵynda kórsetilgen qujattar jıyntyǵyn qosa otyryp, osy Qaǵıdalardyń talaptaryna sáıkes resimdelgen ótinim;
5) tenderlik ótinim – tenderdi uıymdastyrýshyǵa tenderge qatysýshy tehnıkalyq-ekonomıkalyq esepti qosa usynǵan ótinim;
6) tehnıkalyq-ekonomıkalyq esep – jańadan paıdalanýǵa beriletin generasııalaıtyn qondyrǵylardyń sıpaty men talap etiletin tehnıkalyq, sapalyq jáne paıdalanýshylyq sıpattamasy negizinde tenderge qatysýshy qurastyrǵan qurylys qunynyń esebi;
7) tenderlik komıssııa – tender qorytyndysyn shyǵarý úshin tenderdi uıymdastyrýshy quratyn komıssııa.
2. Jańadan paıdalanýǵa beriletin generasııalaıtyn
qondyrǵylardy salýǵa tender ótkizý tártibi
3. Boljanyp otyrǵan elektr qýatynyń tapshylyǵyn jabý úshin tenderdi uıymdastyrýshy ony ótkizý merzimderin kórsete otyryp, jańadan paıdalanýǵa beriletin generasııalaıtyn qondyrǵylar salýǵa tender (budan ári – tender) ótkizedi.
4. Tenderdi ótkizý úshin tenderdi uıymdastyrýshy quramy men erejesin óz buıryǵymen bekitip tenderlik komıssııany qurady.
5. Tender uıymdastyrýshy:
1) jańadan paıdalanýǵa beriletin generasııalaıtyn qondyrǵylardyń sıpatyn jáne talap etiletin tehnıkalyq, sapalyq jáne paıdalaný sıpattamasyn;
2) jańadan paıdalanýǵa beriletin generasııalaıtyn qondyrǵylardy salý shartynyń jobasyn qamtıtyn tenderlik qujattamany ázirleıdi jáne bekitedi.
6. Tenderdi uıymdastyrýshy tenderlik qujattamasy bekitilgen kúninen bastap úsh jumys kúninen keshiktirmeı, biraq tenderge qatysýshynyń tenderge qatysýǵa arnalǵan qujattar men materıaldardy usyný kúni aıaqtalǵanǵa deıin keminde kúntizbelik otyz kún buryn tenderdi ótkizý týraly habarlandyrýdy buqaralyq aqparattar quraldarynda jarııalaıdy.
7. Tenderge qatysý úshin tenderge qatysýshylar mynalardy:
1) tenderge qatysýshynyń qoly qoıylǵan ótinimdi;
2) zańdy tulǵany memlekettik tirkeý (qaıta tirkeý) týraly kýáliktiń kóshirmesin;
3) ótinim berýshiniń birinshi basshysynyń jeke basyn kýálandyratyn qujatynyń kóshirmesin;
4) zańdy tulǵa jarǵysynyń kóshirmesin;
5) ótinim berýshiniń birinshi basshysynyń nemese ony almastyratyn tulǵanyń, sondaı-aq bas býhgalterdiń (býhgalterdiń) qoly qoıylǵan, sońǵy esep berý kúnindegi qarjylyq eseptiliktiń kóshirmesi
n;
6) ótinim berýshiniń banktik esep shotyndaǵy aqsha qozǵalysy týraly bank qyzmet kórsetýshisiniń úzindi kóshirmesin (kartotekanyń joq ekendigi týraly) jáne tenderge qatysýǵa ótinim bergen kúnine bir jyldan aspaıtyn kredıttik tarıhy bar tolyq nemese ishinara málimetterdi qamtıtyn kredıt bıýrosynan alynǵan kredıttik esepti;
7) qatysýǵa ótinim berilgen kúnge úsh aıdan aspaıtyn merzimmen bıýdjetke salyq jáne basqa da mindettemeler boıynsha bereshekterdiń bolýy nemese bolmaýy týraly tirkeýdi esepke alý orny boıynsha salyq qyzmeti organynyń anyqtamasyn qamtıtyn qatysýǵa arnalǵan ótinimdi usynady.
Eger zańdy tulǵa qujattardy tapsyrǵan sátke Qazaqstan Respýblıkasynyń rezıdenti bolyp tabylmaǵan jáne Qazaqstan Respýblıkasynyń salyq tóleýshisi retinde tirkelmegen jaǵdaıda, Qazaqstan Respýblıkasynyń salyq organdarynda salyq tóleýshi retinde memlekettik tirkelýiniń joqtyǵy týraly anyqtamanyń kóshirmesin usynady.
Sheteldik zańdy tulǵalar osy tarmaqtyń 2), 4) tarmaqshalarynda kórsetilgen zańdastyrylǵan qujattardy, saýda tiziliminen zańdastyrylǵan úzindi kóshirmeni nemese sheteldik zańdy tulǵa shet memlekettiń zańnamasy boıynsha zańdy tulǵa bolyp tabylatyndyǵyn kýálandyratyn basqa da zańdastyrylǵan qujatty notarıat kýálandyrǵan qazaq jáne orys tilderindegi aýdarmasymen birge usynady.
8. Tenderge qatysýǵa arnalǵan ótinimdi tenderge qatysýshy tenderdi uıymdastyrýshyǵa tigilgen, paraqtary nómirlengen túrde beredi jáne sońǵy betin óz qolymen jáne mórimen rastaıdy.
9. Tenderge qatysýshy grammatıkalyq nemese arıfmetıkalyq qatelerin túzetýi qajet bolǵan jaǵdaılardy qospaǵanda, ótinimde joldar arasynda eshqandaı endirmelerge, óshirýlerge nemese qosyp jazýlarǵa jol berilmeıdi.
10. Tenderge qatysýǵa nıet bildirgen qatysýshy betki jaǵynda tolyq ataýy jáne tenderge qatysýshynyń poshtalyq mekenjaıy (eger ol «keshikti» dep jarııalansa, tenderge qatysýǵa arnalǵan tenderlik ótinimdi ashylmaǵan kúıinde qaıtarý maqsatynda), tenderdiń ataýy kórsetilgen japsyrylǵan konvertte olardy usynýdyń túpkilikti merzimi aıaqtalǵan ýaqytqa deıin usynady.
11. Qatysýǵa ótinimderdi komıssııa hatshysy tirkeıdi.
12. О́tinimder usyný merzimi tender ótkizý týraly habarlanǵan kúnnen bastap kúntizbelik otyz kúndi quraıdy.
13. Tenderge qatysýǵa ótinimderdi qaraý qorytyndylary boıynsha mynadaı talaptarǵa sáıkes aıqyndalǵan tenderge qatysýshylar jiberiledi:
1) tenderdi uıymdastyrýshymen shart jasasý úshin qatysýshynyń quqyqtyq qabiletiniń bolýy;
2) elektr qýaty qunynyń jalpy kóleminen keminde 30 % óz qarajaty esebinen qarjylandyrý esebinen jańadan paıdalanýǵa beriletin generasııalaıtyn qondyrǵylardy salý úshin jetkilikti qarjy men materıaldyq resýrstardyń bolýy;
3) qatysýǵa ótinimderdi tapsyrý kúnine úsh aıdan aspaıtyn merzimdegi salyq beresheginiń bolmaýy;
4) onyń sońǵy bes jyl ishinde memlekettik organdarmen jáne uıymdarmen jasasqan sharttar nemese uqsas merdigerlik sharttar boıynsha mindettemelerdi oryndamaǵany nemese tıisinshe oryndamaǵany úshin sot arqyly jaýapkershilikke tartylmaýy.
14. Tenderlik komıssııa, eger tenderge qatysýshy Qaǵıdalardyń 13-tarmaǵyna sáıkes jalǵan málimetter usynsa, tenderlik komıssııaǵa usynylǵan tenderge qatysýǵa ótinimdi qabyldamaý quqyǵyna ıe.
15. Olardy usynýdyń túpkilikti merzimi ótkennen keıin usynylǵan, qatysýǵa ótinimi bar konvert tirkelýge jatpaıdy jáne tenderge qatysýshyǵa qaıtarylady.
16. Tenderdi uıymdastyrýshynyń qatysýǵa ótinimderdi qaraý merzimi tenderge qatysýshylardyń qatysýǵa ótinimderdi usyný merziminiń aıaqtalý kúninen bastap on jumys kúnin quraıdy.
17. Qatysýǵa ótinimderdi usyný merzimderi aıaqtalǵannan keıin tenderdi uıymdastyrýshy tenderge qatysýshyǵa tenderge jiberilgendigi týraly habarlamany jáne bekitilgen tenderlik qujattamany jiberedi.
18. Tenderge qatysýshy bekitilgen tenderlik qujattamany alǵannan keıin tehnıkalyq-ekonomıkalyq esepti qurastyrady jáne ony japsyrylǵan konvertte tenderdi uıymdastyrýshyǵa usynady.
19. Tehnıkalyq-ekonomıkalyq esepti qurastyrý merzimi tenderge qatysýshylar tenderge jiberilgendigi týraly habarlamany jáne bekitilgen tenderlik qujattamany alǵan kúninen bastap alty aıdan aspaıdy.
20. Tenderge qatysýǵa arnalǵan tenderlik ótinimderi bar konvertterdi ashýdy tenderlik komıssııa tenderdi uıymdastyrýshy tenderlik qujattamada kórsetken kúni, ýaqytta jáne orynda, tenderlik komıssııa músheleriniń kópshiligi, sondaı-aq tenderge qatysýshylar nemese olardyń ýákiletti ókilderiniń qatysýymen júrgizedi.
21. Tender
