«Shyndyǵynda, kelesi faktiler oryn aldy: birinshi jaǵdaıda – Gogol men Muratbaev kósheleriniń qıylysynda jaıaý júrginshini basyp ketti. Áıeldi trolleıbýs qaǵyp ketti, ol dene jaraqattaryn aldy, is boıynsha tergeý bastaldy, saraptama taǵaıyndaldy. Ekinshi epızodta – «102» nómirine mas adam joldyń boıynda jatqandyǵy týraly qońyraý kelip tústi. Ýchaskelik ınspektor aqparatty rastady, er adamǵa alǵashqy medısınalyq kómek kórsetildi. Úshinshi jaǵdaıda – avtobýstardyń biriniń jolaýshysynyń jaǵdaıy kúrt nasharlady (epılepsııalyq talý), ony kóshege shyǵaryp, «jedel járdem» shaqyryldy. Sondyqtan, qalada adamdar kóptep esinen tanyp jatyr degen aqparat jalǵan bolyp tabylady», – dedi Almaty qalalyq polısııa Departamenti.
Sonymen birge, polısııa bile tura jalǵan aqparat taratqany úshin qylmystyq jaýapkershilik týraly eske salyp, tótenshe jaǵdaı kezinde bul áreketter úsh jyldan jeti jylǵa deıingi merzimge shekteýge nemese bas bostandyǵynan aıyrýǵa ákep soqtyratynyn atady.
«Biz azamattardy jalǵan, rastalmaǵan aqparatty shyndyq retinde bere otyryp, qoǵamdaǵy negizsiz dúrbeleńnen aýlaq bolýǵa shaqyramyz. Bul qylmys jáne sol úshin jazaǵa tartylady. Ádette, aqparat kózi belgili emes aqparatqa úlken kúmánmen qaraý kerek. Biz ony qaıtalamaýlaryńyzdy suraımyz», – dep qorytyndylady polısııa.
ALMATY
