«Búgin barlyq qazaqstandyq qoǵam kúrdeli kezeńdi bastan ótkizip otyr. Infeksııanyń taralyp ketýine jol bermeý úshin óz bastaryn qaterge tigip, profılaktıkalyq jumyspen aınalysyp jatqan, oqshaýlanǵan adamdardy tikeleı baqylap, koronavırýs ınfeksııasy anyqtalǵan pasıentterge medısınalyq kómek kórsetip, óz jumys oryndarynda táýlik boıy jumys istep jatqanáriptesterimizge ońaı bolyp jatqan joq.
Biz áriptesterimizdi qoldap jáne olarmen birge ekendigimizdi aıtqymyz keledi. Osy syrqatpen kúresýde kez kelgen sátte kómek berýge daıyn ekendigimizdi bildiremiz.
Dárigerdiń mıssııasy barlyq adamı qasıetterdi: ózin-ózi qurban etýdi, jan tánimen berilip jumys isteýdi, adamdarǵa erekshe kóńil bólýdi, meıirimdilikti talap etedi.
Halqymyz medısına qyzmetkeriniń kásibi eń kúrdeli qyzmet ekendigin túsine otyryp, olarǵa qurmetpen qaraıdy. Basqaadamnyń ómirine jaýapkershilik alyp, óz ómirin medısınaǵa arnaǵan medısına qyzmetkerleribúgin de ózderiniń azamattyq jáne kásibı mindetin abyroımen atqarýda.
Tipti kishkentaı qazaqstandyqtar elimizdiń bas dárigeri Eljan Birtanovqa hat jazyp, adam densaýlyǵynyń qamyn oılaýdy surady. Raıda atty qyz bala anasynyń aýrýhanada dáriger bolyp jumys isteıtindigin, elimizdiń aýmaǵynda engizilgen tótenshe jaǵdaılardyń saldarynan týǵan kúninde onyń ómirindegi eń basty adam – anasynyń janynda bolmaǵandyǵy týraly jazdy. Raıda anasynyń halyq densaýlyǵy úshin mańyzdy jumyspen aınalysyp júrgendigin túsinedi, alaıda anasyn úıde qashan kóretindigin bilmeıdi jáne ol úshin alańdaıdy.
Ol Eljan Amantaıulyna Qazaqstanda osy indettiń taralyp ketpeýine jol berilmese eken, sonda ol úshin úlken syılyq bolar edi deıdi.
Biz epıdemııanyń toqtalatyndyǵyna senemiz. Ol úshin aýyzbirshilik bildirip, medısınalyq uıymdar qyzmetin respýblıkalyq, qalalyq jáne t.b. dep bólmeı, qazaqstandyqtardyń densaýlyǵy úshin barlyq kúshimizdi salýymyz kerek.
Kardıologııa jáne ishki aýrýlar ǴZI elimizdiń barlyq óńirlerinen kardıologııalyq, kardıohırýrgııalyq, terapevtik, endokrınologııalyq, pýlmonologııalyq, revmatologııalyq, allergologııalyq, gastroenterologııalyq, gematologııalyq aýrýlarmen keletin pasıentterge joǵary mamandandyrylǵan kómek kórsetedi. Almatyda aǵymdaǵy jylǵy 19 naýryzda karantın jarııalanyp jáne qalanyń birqatar medısınalyq uıymdary provızorlyq emdeýge jatqyzý orny retinde belgilengenin eskere otyryp, bizdiń ınstıtýt qyzmet kórsetý beıini boıynsha almatylyqtardy qabyldaýǵa jáne emdeýge daıyn.
Biz ózimizdiń kásibı daıyndyǵymyzdy kórsetip jáne barlyq kúshimizdi sala otyryp, osy qıyn jaǵdaıdy eńseretinimzge senemiz. О́zińizdiń jáne jaqyndaryńyzdyń densaýlyǵyn saqtańyz! Adam ómirine baǵa jetpeıdi.
Biz birgemiz!», deıdi Kardıologııa jáne ishki aýrýlar ǵylymı-zertteý ınstıtýtynyń ujymy.
