2013 jylǵy 15 mamyr, Astana, Úkimet Úıi
«Ǵımarattar men qurylystardy tehnıkalyq jaǵynan kúrdeli obektilerge jatqyzý erejesin bekitý jáne Qazaqstan Respýblıkasy Úkimetiniń 2002 jylǵy 19 tamyzdaǵy № 918 qaýlysyna ózgeris engizý týraly» Qazaqstan Respýblıkasy Úkimetiniń 2009 jylǵy 23 qazandaǵy №1656 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Ǵımarattar men qurylystardy tehnıkalyq jaǵynan kúrdeli obektilerge jatqyzý erejesin bekitý jáne Qazaqstan Respýblıkasy Úkimetiniń 2002 jylǵy 19 tamyzdaǵy № 918 qaýlysyna ózgeris engizý týraly» Qazaqstan Respýblıkasy Úkimetiniń 2009 jylǵy 23 qazandaǵy № 1656 qaýlysyna (Qazaqstan Respýblıkasynyń PÚAJ-y, 2009 j., № 44, 425-qujat) mynadaı ózgeris engizilsin:
kórsetilgen qaýlymen bekitilgen Ǵımarattar men qurylystardy tehnıkalyq jaǵynan kúrdeli obektilerge jatqyzý erejesinde:
5,7-tarmaqtar mynadaı redaksııada jazylsyn:
«5. Tehnıkalyq jaǵynan kúrdeli obektilerge (keshenderge) óndiristik-sharýashylyq qurylystardy, onyń ishinde taýarlardy nemese materıaldardy saqtaý úshin aıryqsha jaǵdaılardy, sondaı-aq qurylys jáne paıdalaný kezindegi órt-jarylys qaýipsizdigin, aerasııany, ylǵaldylyqty, temperatýralyq rejimdi belgili bir deńgeıde ustaýdyń aıryqsha jaǵdaılaryn qamtamasyz etýge, dirildi jáne ózge de arnaıy talaptardy shekteýge baǵyttalǵan basqa da arnaıy jobalyq sheshimder men is-sharalardy talap etetin jeke turǵan qoımalar men saqtaý oryndaryn qosa alǵanda, jaýapkershiligi birinshi (kúsheıtilgen) jáne ekinshi (qalypty) deńgeıge jatatyn óndiristik maqsattaǵy barlyq ǵımarattar men qurylystar jatady.
О́ndiristik maqsattaǵy tehnıkalyq jaǵynan kúrdeli obektilerge (óndiristik-sharýashylyq qurylystardy qosa alǵanda) jaýapkershiligi úshinshi (tómendetilgen) deńgeıdegi barlyq qurylystar, onyń ishinde konteınerdi jáne bloktardy paıdalanyp jasalatyn utqyr keshender jatpaıdy.
7. Turǵyn úı-azamattyq maqsattaǵy tehnıkalyq jaǵynan kúrdeli obektilerge (keshenderge) jaýapkershiligi ekinshi (qalypty) deńgeıdegi mynadaı ǵımarattar men qurylystar jatpaıdy:
1) seısmıkalyq qaýiptiligi joǵary nemese arnaıy jobalaý sheshimderi men is-sharalardy talap etetin ózge de aıryqsha geologııalyq (gıdrogeologııalyq) jáne geotehnıkalyq jaǵdaıdaǵy aýdandarda (aımaqtarda) salynyp jatqandardy qospaǵanda, jer ústindegi bıiktigi 3 qabattan aspaıtyn turǵyn úıler;
2) kelýshilerdi (kórermender, klıentter, naýqastar, jolaýshylar, satyp alýshylar, qonaq úıde jáne taǵy sol sııaqty turatyndar), sondaı-aq olarǵa qyzmet kórsetýshi qyzmetkerler men personaldy qosa alǵanda, ishki úı-jaılarynda bir mezgilde 50-den aspaıtyn adam bolatyn, jer ústindegi bıiktigi 2 qabattan aspaıtyn qoǵamdyq ǵımarattar men qurylystar;
3) bir mezgilde sany 10 birlikten aspaıtyn kólik quralyna qyzmet kórsetetin jeke turǵan bir qabatty avtoservıs pýnktteri, sondaı-aq syıymdylyǵy 15 avtomobılden aspaıtyn jer ústi nemese jer asty garaj-turaqtar.
Tehnıkalyq jaǵynan kúrdeli obektilerge jaýapkershiligi úshinshi (tómendetilgen) deńgeıdegi barlyq qurylystar, onyń ishinde konteınerdi jáne bloktardy paıdalanyp jasalatyn utqyr keshender, sondaı-aq qurastyrmaly-buzylmaly konstrýksııalardan turǵyzylǵan qurylystar jatqyzylmaıdy».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
