«Prezıdent Jarlyǵymen Qazaqstan boıynsha tótenshe jaǵdaı engizildi. Bul ýaqytsha shara ekenin atap ótkim keledi. Ol azamattardyń quqyqtaryn qamtamasyz etý maqsatynda engizildi. Ekinshiden bul arnaıy quqyqtyq rejım. Jeke jáne zańdy tulǵalardyń keıbir quqyqtaryna shekteý qoıylady. Sondaı-aq qosymsha jaýapkershilikter júkteledi. Azamattar muny túsinistikpen qabyldaýy qajet», - dedi Marat Beketaev.
Onyń aıtýynsha, tótenshe jaǵdaı rejımi quqyqtyq tártipti qamtamasyz etýdi kúsheıtýge múmkindik beredi.
«Bul jaǵdaıda memleket jedel, naqty, zańdy sheshimder qabyldaıtyn bolady. Mysaly Nur-Sultan jáne Almaty qalalarynda karantın rejımi Konstıtýsııaǵa sáıkes ınfeksııanyń taralýyn boldyrmaý maqsatynda engizildi», - dedi ol.
