Sabaq barysynda tártip saqshylary akterlik daǵdylaryn kórsetip, qazaq halqynyń salt-dástúrleri men ádet-ǵuryptaryn kórsetti.
Tilderdi oqytý ortalyǵynda barlyǵy 50-den asa polıseı bilim alýda. PD-niń jeke quramynda qyzmet etetin túrli ult ókilderi jyl saıyn bastaýysh, jalǵastyrýshy jáne tereńdetilgen syndy toptarǵa bólinedi.
Sabaq barysynda qyzmetkerler úsh topqa bólindi - «halyq», «quqyq», «til». Ashyq sabaq polıseı mamandyǵynyń ereksheligine sáıkes ázirlendi.
Mysaly, birinshi tapsyrmada polısııa qyzmetkerleri berilgen mátindi qazaq tiline aýdarý qajet bolatyn. Bul tapsyrmany alǵashqylardyń biri bolyp «Quqyq» komandasynyń polısııa kapıtany Avanesıan Vıgen oryndady.
- Men eki jyl boıy tilderdi oqytý ortalyǵynda bilim alyp kelemin. Ortalyqta tek aýyzeki tildi ǵana emes, ádebıetti de úıretedi. Bizdiń qyzmette adamdarmen jıi qazaq tilinde sóılesýge týra keledi. Ortalyqta alǵan bilimimniń qyzmetimde paıdasy zor ekenin atap ótkim keledi, - deıdi polısııa aǵa leıtenanty Inessa Aleksandrovna Bortnıkova.
Mańǵystaý oblysy
