Búgingi tańda tótenshe jaǵdaıda bızneste kezdesken qıynshylyqtardy sheshýde «Atameken» kásipkerler palatasy janynan arnaıy shtab quryldy. Onda kelip túsken saýaldardyń 57% nesıege qatysty, al bıznes nysandardyń jabylýy týraly 17%, taýar óndirýshilerdi qarjylaı qoldaý 12% quraıdy.
- Búginde halyqty betperdemen qamtý máselesi ózekti. Sondyqtan da buryn bul kásippen kásibı túrde aınalyspaǵan sheberhanalar, tiginshiler tolyqtaı betperde tigýdi qolǵa aldy. Kúnine Aqtaýda - 5500, Jańaózende 8 000, Beıneý aýdanynda 2500, Qaraqııada - 1 000, Mańǵystaý aýdanynda 1500, Munaıly - 3 000, Túpqaraǵan aýdanynda - 4 000-ǵa jýyq betperde tigiledi. Áli de suranysty óteý úshin jumys isteımiz. Matalar men shıkizattardy jetkizip, tasymaldaý joldaryn ákimdikpen birigip sheship otyrmyz, - dedi MO Kásipkerler palatasynyń dırektory Nurbek Qarasaıuly
Mańǵystaý oblystyq «Atameken» kásipkerler palatasynyń 1432 nómirli call ortalyǵy qońyraý qabyldaýdap, áleýmettik mańyzy bar azyq-túlikterdiń baǵasyn ósirmeý týraly kásipkerlerge túsindirý jumystaryn júrgizýde.
Aldaǵy ýaqytta kásipkerlerdiń nesıelik, ǵımarattardy jalǵa alý tólemderi, qyzmetkerlerge eńbekaqy tóleý mindettemeleri boıynsha máseleler jeke-jeke qarastyrylatyn bolady. Sondaı-aq, bankter nesıe tóleýdegi qıyndyqtarǵa qatysty ótinish jazǵan kásipkerlerge 90 kúndik merzimmen jeńildikter qarastyrýda.
Mańǵystaý oblysy
