Almatylyqtardyń karantın kezinde Tuńǵysh Prezıdent saıabaǵyna, Ortalyq mádenıet jáne demalys saıabaǵyna, 28 Panfılovshy parkine, Family Park, Botanıkalyq baqqa, «Qııal álemi» saıabaǵyna, Almaty zoobaǵyna, Alma-arasan jáne ózge de adam kóp jınalatyn oryndarǵa barýdan bas tartýlary suralady.
Eske sala ketsek, buǵan buryn qalalyq Ákimdiktiń sheshimimen Medeý, Shymbulaq, Pıoner, Kók-Tóbe, sondaı-aq, ishki týrızm boıynsha ekskýrsııalardy júzege asyratyn týrıstik uıymdardyń qyzmeti COVID-19 epıdemıologııalyq jaǵdaıy turaqtanǵanǵa deıin ýaqytsha toqtatylǵan bolatyn.
Sondaı-aq, Týrızm basqarmasy koronavırýs tirkelgen qaýipti kategorııaly elderge qatynaıtyn jáne sol elderden bizge keletin týrlardy ýaqytsha toqtatýǵa usynys bildirgen edi. COVID-19 budan ári taralýynyń aldyn alý maqsatynda adam kóp jınalatyn oryndardaǵy saqtyq sharalaryn qatań qadaǵalaý týraly nusqaýlyqtr taratyldy.
ALMATY
