Ár saǵat saıyn esik tutqalary súrtilip, baspaldaq, lıftiler arnaıy sanıtarlyq tazalaýdan ótýde. Shaǵyn ǵımaratqa ornalasqan qoǵamdyq mekemeler de eki saǵat saıyn úzilis jasap, esik-terezelerdi ashyp, tazalyq sharalaryn júrgizip jatyr. Kezek kútýge týra kelse de, turǵyndar buǵan túsinistikpen qaraıtynyn aıtady. Qazir Qostanaıdaǵy ahýal turaqty. Saýda oryndarynda burynǵydaı kezek joq. Azyq-túlik dúkenderiniń qoımasy toq, sóresi taýarǵa toly. Taıaýda ǵana qurylǵan áleýmettik mańyzy bar azyq-túlik taýarlary baǵasynyń ósýin turaqtandyrý jónindegi komıssııa músheleri qalanyń iri saýda oryndary men óndirýshi kásiporyndarǵa monıtorıng júrgizýdi jıiletti.
Keshe ǵana oblys ákiminiń birinshi orynbasary Ǵaýez Nurmuhambetov bastaǵan komıssııa músheleri saýda oryndary men óndirýshi kásiporyndardy aralap, áleýmettik azyq-túlik taýarlary baǵasyn negizsiz qymbattatýǵa jol bermeý jónin túsindirdi.
Qostanaı
