Atap aıtqanda, shekteýler medısınalyq jáne sanıtarlyq-epıdemıologııalyq qyzmet kórsetetin azamattarǵa, sondaı-aq, jedel iske asyrý men kommýnaldyq sharýashylyqtyń, rıtýaldyq qyzmettiń, júkterdiń kez kelgen túrlerin júk jáne tranzıttik tasymaldaýlarǵa, jeke kýálik boıynsha mamandandyrylǵan ınkassatorlyq kólikterge qoldanylmaıdy.
JADYNAMA
Almaty qalasyna kirý jáne shyǵý júıesi boıynsha
Karantınge baılanysty, 2020 jylǵy 22 naýryz túngi saǵat 00:00-den bastap azamattar men kólikterdiń Almaty qalasynyń aýmaǵyna kirýine jáne shyǵýyna tyıym salynady.
Engizilgen shekteýler rastaıtyn qujattary bar mynadaı tulǵalar men kólik quraldaryna QOLDANYLMAIDY:
1) medısınalyq kómek jáne sanıtarııalyq-epıdemıologııalyq qyzmet, sondaı-aq medısınalyq personaldar (dárigerler, medbıkeler, sanıtarlar, júrgizýshiler - Ortalyq Derekter Bazasyna sáıkes jeke kýáligi bar (budan ári – ODB);
2) azamattyq qorǵaý, órt sóndirý jáne avarııalyq-qutqarý jumystary qyzmetiniń qyzmetkerleri (ODB sáıkes jeke kýáligi bar);
3) kommýnaldyq, avarııalyq qyzmetterdiń qyzmetkerleri: elektrmen, gazben, sýmen jáne jylýmen jabdyqtaý, qoqysty jınaý, sondaı-aq baılanys jáne kommýnıkasııa salasynyń qyzmetkerleri jáne olardyń kóligi (memlekettik nómirlik belgi boıynsha avtokólik
jáne ODB sáıkes jeke kýáligi bar júrgizýshiler);
4) jerleý qyzmetiniń qyzmetkerleri men kóligi (qazaly sherý kezinde 20 adamnan artyq jáne 4 kólikten artyq bolmaýy tıis);
5) júk jáne kez-kelgen júk túrlerin tasymaldaýshy tranzıttik kólikter: transporttar júk tıelgen nemese bos bolýy múmkin jáne júrgizýshimen birge bir jolaýshydan artyq adam bolmaýy kerek;
6) arnaýly ınkassatorlyq transport;
7) Almaty qalasynyń PD, TJD, Prokýratýra qyzmetkerleriniń jáne Almaty qalasy boıynsha SJQUB, UQK, MQQ, EZQ qyzmetkerleri men transporty qyzmettik kýáligin kórsetken jaǵdaıda;
8) Ulttyq gvardııanyń áskerı mamandary, QR Qarýly Kúshteri jáne Shekara qyzmetiniń (Almaty áskerı garnızony) qyzmetkerleri qyzmettik kýáligin nemese áskerı bólim komandıriniń qoly qoıylǵan áskerı bıletin jáne tıisti qujatyn kórsetken jaǵdaıda; jedel qyzmettegi áskerıler tek arnaıy avtokólikpen;
9) Qazaqstan Respýblıkasy aýmaǵyna buryn kirgen sheteldikterdiń elden shyǵýy úshin;
10) Buryn shet elge shyǵyp ketken Qazaqstan Respýblıkasy azamatynyń Almaty memlekettik áýejaıy arqyly elge qaıtýy úshin;
11) erekshe jaǵdaılardaǵy densaýlyq saqtaý uıymdarynyń rastaıtyn qujattary bar, Almaty qalasynan emdelýge shyqqan Qazaqstan Respýblıkasynyń azamattary;
12) Almaty qalasyna shuǵyl emdelýge kelgen basqa óńirlerdiń turǵyndary, erekshe jaǵdaılarda medısınalyq mekemelerdiń rastaıtyn qujattary usynylǵan kezde;
13) medısınalyq anyqtama boıynsha Almaty qalasyndaǵy medısınalyq ortalyqtardan em alyp shyqqan basqa aımaqtardyń turǵyndary;
14) medısınalyq anyqtama boıynsha jas nárestesimen Almaty qalasyndaǵy perzenthanadan shyǵarylǵan áıelder;
15) elimizdiń jáne shet memleketterdiń dıplomatııalyq qyzmetiniń qyzmetkerleri jáne olardyń otbasy músheleri, sondaı-aq Qazaqstannan shyǵatyn, sonymen birge Qazaqstan Respýblıkasy Syrtqy ister mınıstrliginiń shaqyrýy boıynsha shet memleketter men halyqaralyq uıymdar delegasııalarynyń músheleri;
16) poezd jáne lokomotıv brıgadalarynyń músheleri, sondaı-aq temirjol kóligimen tasymaldaý prosessterine qatysatyn adamdar, áýe kemeleri ekıpajdary (tıisti málimetter bazasyndaǵy jeke kýálik boıynsha);
17) Qazaqstan Respýblıkasy azamattarynyń otbasy músheleri bolyp tabylatyn shet memleket azamattary bir ret Almatyǵa kirgende, onyń ózinde (otbasylyq qatynastar faktisi rastalǵan jaǵdaıda – jubaıy, ata-anasy jáne balalary);
18) áýe jáne temirjol tranzıtimen júrgen Qazaqstan Respýblıkasynyń azamattary men shet memleket azamattary, Almaty qalasyna kirý jáne shyǵý kezinde rastaıtyn qujattar usynǵan kezde;
19) Almaty qalasyna(n) kirip nemese shyqqan jaǵdaıda medısınalyq anyqtamamen karantındik oqshaýlaýdan ótken (Jedel shtabtyń ortalyq derekter bazasyna sáıkes jeke kýáligi bar) basqa aımaqtardyń turǵyndary men shet memleketterdiń azamattary;
20) zerthanalyq qyzmetterdiń taldaý júrgizýge jáne bıoqaldyqtarǵa qajet bıomaterıaldardy qalaǵa jiberýine ruqsat etiledi. Tek olardy tasymaldaıtyn avtomobılderdiń qalaǵa kirýine ne shyǵýyna shekteý bar.
21) Almaty qalasyna arnaıy jaǵdaılarda Almaty qalasy ákimdigi janyndaǵy tótenshe jaǵdaıdy qamtamasyz etý jónindegi jedel shtabtyń arnaıy ruqsatymen kelgen qalaǵa kirip-shyǵatyn adamdar.
