– Kanaldy 2015 jyly júrgize bastadym. Zamanaýı bilim berý ádisin qoldana otyryp, ózimdi muǵalim retinde jańa qyrymnan tanyǵym keldi. Basynda vıdeosabaqtardy túsirý tehnıkalyq turǵydan qıyndyqtar týdyrǵanymen, keıin úırenip kettim. Oqýshylarym da kanaldyń tıimdiligin aıta bastady, deıdi jas muǵalim.
Búginde ustazdyń arnasynda janýarlardyń júıke júıeleriniń tıpterinen bastap bulshyq etter arasyndaǵy baılanysqa deıingi taqyryptardaǵy vıdeosabaqtar bar. Muǵalimniń aıtýynsha, sabaqtar oqýshylardyń usynysy men zııatkerlik mekteptiń oqý baǵarlamasynyń aıasynda túsiriledi. Dese de, ózge de jalpy bilim berý mektepteriniń oqýshylary vıdeosabaqtar aıasynda túsinbegen suraqtaryna jaýap alyp jatatyn kórinedi.
– Qazirgi tańda jaratylystaný baǵytyndaǵy pánderdi qazaq tilinde oqytatyn onlaın-kanaldar óte az. Sondyqtan arnamdaǵy sabaqtar men taqyryptar legin kóbeıtýdi josparlap otyrmyn. Bıologııanyń qyr-syryn qysqa ári nusqa túrde jetkizý arqyly oqýshylardyń ǵylymǵa qyzyǵýshylyǵyn arttyrǵym keledi, - deıdi Saltanat.
Sonymen qatar, jas muǵalim vıdeosabaqtar negizinde is áreketti zertteý jumysyn jasaǵan.
Mańǵystaý oblysy
