TÚSINIKTEME

“Qazaqstan Respýblıkasyn údemeli ındýstrııalyq-ınnovasııalyq damytý jónindegi 2010-2014 jyldarǵa arnalǵan memlekettik baǵdarlama jáne Qazaqstan Respýblıkasy Prezıdentiniń keıbir jarlyqtarynyń kúshi joıyldy dep taný týraly” Qazaqstan Respýblıkasy Prezıdentiniń 2010 jylǵy 19 naýryzdaǵy №958 Jarlyǵyna TÚSINIKTEME Memleket basshysy 2010 jylǵy 19 naýryzda “Qazaqstan Respýblıkasyn úde­meli ındýstrııalyq-ınnovasııalyq damytý jónindegi 2010-2014 jyldarǵa arnalǵan memlekettik baǵdarlama jáne Qazaqstan Respýblıkasy Prezıdentiniń keıbir jarlyqtarynyń kúshi joıyldy dep taný týraly” Jarlyqqa qol qoıdy. Qazaqstan Respýblıkasynyń Úkimeti ázirlegen údemeli ındýstrııalyq-ınno­vasııalyq damytý jónindegi 2010-2014 jyldarǵa arnalǵan memlekettik baǵdarlama (budan ári – Baǵdarlama) kelesi mindetterdi kózdeıdi: Ekonomıkany ártaraptandyrý jáne onyń básekege qabilettiligin arttyrý ar­qyly ornyqty jáne teńgerimdi ósýin qamtamasyz etý; Ekonomıkanyń basym sektorlaryn damytýdyń áleýmettik tıimdiligin kúsheıtý jáne  ınvestısııalyq jobalardy iske asyrý; ındýstrııalandyrý úshin qolaıly orta jasaý; eko­nomıkalyq áleýetti utymdy aýmaq­tyq uıymdastyrý negizinde ekonomıkalyq ósý ortalyqtaryn qurý; ekonomıkanyń basym salalaryn da­mytý prosesinde memleket pen bıznestiń ózara tıimdi is-qımylyn qamtamasyz etý. Baǵdarlama ekonomıkany ártaraptan­dyrýdyń júrgizilip otyrǵan saıasatynyń qısyndy jalǵasy bolyp tabylady ári quramyna Indýstrııalyq-ınnovasııalyq damýdyń 2003-2015 jyldarǵa arnalǵan strategııasynyń, “Qazaqstannyń 30 kor­po­ratıvtik kóshbasshysy” baǵdar­la­masynyń, sondaı-aq ındýstrııalandyrý salasyndaǵy basqa da baǵdarlamalyq qujattardyń negizgi tásilderin biriktiredi. 2015 jylǵa deıingi kezeńde qazaq­standyq qamtýdy maqsatty damytý arqyly sha­ǵyn jáne orta bıznes, keıingi qaıta bólý jáne qaıta óńdeý úshin jańa bıznes-múm­kindikterdi mýltıplıkasııalaýmen eko­nomıkanyń dástúrli eksportqa baǵ­dar­lanǵan sektor­larynda iri ınves­tısııalyq jobalardy iske asyrý údemeli ındýs­trııa­landyrý saıasatynyń negizgi basymdyǵy bolmaq. Shıkizat sektorymen baılanysty emes jáne ishki, al keıinnen óńirlik naryqtarǵa baǵdarlanǵan ekonomıka salalaryn qalyptastyrý jáne kúsheıtý qatar júzege asyrylatyn bolady. Memleket ozyq tehnologııalar trans­fertine, keıinnen olardyń eksportqa baǵ­darlanýyn damyta otyryp, qazirgi zamanǵy ımport  almastyrýshy óndiristi qurý úshin shetel ınvestorlaryn tartýǵa baǵyttalǵan qazaqstandyq orta jáne shaǵyn bıznes bastamalaryn qoldaıtyn bolady. Jalpy alǵanda, ekonomıkany árta­rap­tandyrýdy memlekettik qoldaý makro jáne sektorlyq deńgeılerde ekonomıkalyq saıasattyń júıeli sharalaryn, sondaı-aq ekonomıkanyń naqty sektorlaryn jáne jo­balardy qoldaýdyń selektıvti shara­laryn iske asyrý arqyly júzege asyrylmaq. Baǵdarlamany tabysty iske asyrý ony ártaraptandyrý jáne uzaq merzimdi kezeńde básekege qabilettilikti arttyrý arqyly ornyqty jáne teńgerimdi ósýdi qamtamasyz etýge yqpal etetin bolady. Eńbek ónimdiliginiń ósýi, ulttyq ınno­vasııalyq júıeniń damýy men nyǵaıýy, shaǵyn jáne orta bıznes róliniń kúsheıýi, ekonomıkany ártaraptandyrý, óndirgish kúshterdiń utymdy uıym­dastyrylýy, adamı kapıtal sapasynyń arttyrylýy Baǵdarlamanyń negizi sapalyq nátıjesi bolady. Ekonomıkanyń eksportqa baǵ­darlanǵan dástúrli sektorlary keıingi bólinisti óndiristerdi damytý jáne ekonomıkanyń salalas sektorlaryna olardy damytýdyń mýltıplıkatıvtik keń aýqymdy áserin qamta­masyz etý esebinen ındýstrııa­landyrýdyń lokomotıvi rólin atqarady. Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi.