Adamdardyń bir-birine degen adal kóńilden týǵan janashyrlyq peıili tirshiliktiń aq bas tolqynymen alysyp, taýy shaǵylýǵa jaqyndaǵan pendeniń kóńiline dem bergendeı. Tipti qos qoltyǵynan perishtedeı kóterip, jelep-jebeýi naǵyz adamgershiliktiń aıqyn mysaly dep aıtsaq, artyqtyǵy bolmas. Bizdiń keıipkerimiz Damır Marııa Zelınskaıamen kezdeısoq tanysqan. Toqsandy alqymdap qalǵan apaıdyń ómir jolyn estip-bilgennen keıin bir adamǵa bolsa da kómektessem degen nıet týyndady. Azyq-túlik pe, kúndelikti kerek-jaraqtar ma, bárin ákelip beredi. Bir-birimen baýyrlasqan ádemi sát jalǵyz márte júzdesýden keıin týyndap otyr.
Jalǵyz turatyn qarttarǵa materıaldyq kómek qajet-aq. Muny túsingen Damır az da bolsa, bul ıgi iske óz úlesin qosyp keledi. Bir-birimizge kómektessek, júregimizge meıirim tolady deıdi Damırdiń ózi.
– Búginde adamdar jeke basynyń máselesin kúıttep ketken. Men kómektesip júrgen Masha áje óz qolynan kelgenshe maǵan da qoldaý kórsetýde. Ol maǵan qashan da janashyr ekenin bildiredi, árdaıym tilektes bolyp júredi. О́z aqyl-keńesterin de aıamaıdy. Ájeniń kórgeni kóp, – deıdi qala turǵyny Damır Ábilov.
Búgingideı syn saǵatta janyndaǵy jalǵyzilikti adamǵa jan nuryn sebezgileý adam boıyndaǵy asyl qasıet. Qarttarymyz qınalyp qalmasynshy eken dep boıynda kúsh-jigeri bar jas tolqyn janashyr bolyp júrse jarasymdy.
– Damır ekeýimizdiń tanysqannan keıin, bir-birimizge baýyr basyp qaldyq. Ol meniń balam sııaqty. Maǵan qamqor bolyp júredi. Osyndaı sátte maǵan sonaý 1955 jyldar esime túsedi. Sol jyldary bizdi tyń ıgerýge alys saparǵa jiberdi. Sonda, soltústiktiń qazaqtary bizdi týǵandaryndaı qushaq jaıa qarsy alǵan edi, – deıdi tyl eńbekkeri Marııa Zelınskaıa, – osyndaı qamqorlyq taǵy da qaıtalanyp otyr. Qıyn sátte qushaǵyna alyp, júregińdi jylytatyn qazaq halqyna myń alǵys.
