Shveısarııa memleketiniń bir turǵyny Eýropaǵa keńinen tanymal EuroMillions lotereıa oıynynan 93 ml. eýrodan astam aqsha utyp aldy. Bul týraly RIA «Novostı» habarlady.
Jergilikti BAQ jazyp otyrǵandaı, bul Shveısarııadaǵy eń iri utys bolyp otyr. 2001 jyly taǵy shveısarııalyq azamat EuroMillions lotereıasynan 58 mln. eýrodan artyq aqsha utyp alypty. Bul oıynnyń bir lotereıa bıleti eki eýro turady. Al oǵan qatysýshylar sany 200 mln. adam kórinedi.
Budan buryn Brıtanııanyń 45 jasar Georgıı Traıkov degen násili bolgar turǵyny bir jarym jylda eki ret iri utysqa ıe bolyp, 1.1 mln. fýnt tapqan eken.
Murat Aıtqoja.
