Osy jaǵdaıǵa oraı Dortmýndtyń «Borýssııasynyń» oıynshylaryna óz eńbekaqylary mólsherine saı 20 paıyzdyq ústeme aqsha tólenýge tıis edi. Biraq aıtýly komandanyń oıynshylary komanda jetekshileriniń ótinishine qulaq asyp, ol qarajatty alýdan bas tartty. Sonyń arqasynda «Borýssııanyń» shtattaǵy jáne shtattan tys 850 qyzmetkeri úzilis kezinde óz jumys oryndaryn saqtap qaldy.
Esterińizge sala keteıik, Germanııa Býndeslıgasynda dortmýndtyq klýb ázirge ekinshi orynda keledi. 25 kezdesý ótkizgen olar 51 upaı jıyp otyr. «Borýssııanyń» kósh basyndaǵy Mıýnhenniń «Bavarııasynan» tórt upaıy kem.
