COVID-19 koronavırýsynyń kesirinen ınvestorlar damyp kele jatqan naryqtardan 83 mlrd dollardy qaıtaryp alǵan. Bul buryn-sońdy tirkelmegen eń úlken kapıtal aǵyny.
Álemdik saýda aınalymynda mańyzdy ról atqaratyn ekonomıkasy iri 20 eldiń qarjy mınıstrleri men ortalyq bank basshylary arasynda ótken telekonferensııada K. Georgıeva bul dúrbeleń 2021 jyly basylatynyń aıtty. Ári HVQ daǵdaryspen kúresý úshin 1 trln dollar bólýge daıyn ekenin jetkizdi. Onyń aıtýynsha, 80-ge jýyq memleket qarjylyq kómek alý úshin qorǵa júgingen.
Aıta keteıik, koronavırýsqa baılanysty álemdegi kóptegen iri kásiporyndar jumysyn toqtatqan bolatyn. Sondaı-aq shaǵyn jáne orta bıznes ókilderi de shyǵynǵa ushyrady. Álemdik avıakompanııalar reısterdiń qysqarýynan ábigerge túsýde.
