Almatyda indettiń 15 oshaǵy tirkelse, Alataý aýdanyndaǵy 2 juqtyrý oshaǵy bar: Zarıa-Vostok yqshamaýdany, Sary-oı k-si, 234 úı men Aqkent yqsh., 7-de ornalasqan.
Almaly aýdany boıynsha 4 oshaq. Iаǵnı Jeltoqsan kóshesi, 125; Baıtursynov kóshesi, 78/1; Jarokov kóshesi, 16; Jarokov kóshesi, 7-de ornalasqan.
Medeý aýdanynda ınfeksııanyń 3 oshaǵy tirkelip otyr. Olar Zenkov k-si, 59; Dostyq k-si, 162; Gogol k-si, 75.
Jetisý aýdanynda – 2 oshaq bar. Eńlikgúl, 34a, Volochaevskaıa kóshesi, 51.
Túrksib aýdanynda 4 oshaq tirkeldi. Altaı-1, 8; «Jas qanat» yqshamaýdany, 86; Maılın kóshesi, 77; Spasskaıa kóshesi, 63.
Qala bıligi almatylyqtardy karantın rejımin qatań saqtaýǵa, karantındik aýmaqta júrýden aýlaq bolýǵa, jeke gıgıena sharalaryn saqtaýǵa, týys, dos, áriptesteri men jáne t.b. adamdarmen qarym-qatynasty shekteýdi suraıdy. Mundaǵy maqsat – ár adamnyń ózin koronavırýstyq ınfeksııa juqtyrýdan saqtaý, týǵandary men jaqyndary jáne aınalasyndaǵylarǵa da juqtyrý qaýpin tómendetý. Qala ákimdigi, medısınalyq jáne sanıtarlyq-epıdemıologııalyq baqylaý qyzmetteri tarapynan indettiń oshaq aýmaǵynan tys jerge taralyp ketpeýi úshin kúsheıtilgen is-sharalar atqarylýda.
О́z kezeginde qalanyń árbir turǵyny qaladaǵy jaǵdaıǵa túsinistikpen qarap, jaýapkershilik tanytqan kezde indet juqtyrýshy tulǵalardy tez anyqtap, jedel túrde oqshaýlaýǵa múmkindik bar.
Klınıkalyq sımptomdar paıda bolǵanda (dene qyzýynyń kóterilýi, qurǵaq ári uzaq jótel, álsizdik) ýchaskelik dárigerdi telefon arqyly úıge shaqyrý kerek nemese jedel medısınalyq járdem dárigerin shaqyrǵan abzal.
О́zin-ózi emdeýmen aınalyspaı, dárigerdiń taǵaıyndaǵan dárilerin qabyldaý kerek. Mynandaı aldyn alý sharalaryn saqtaý qajet:
– úı-jaılardy kúnine keminde 2 ret jeldetý;
– kún saıyn úıdi jýyp, tazalaý;
– qoldy sabynmen jıi jýý;
– jeke ydys, jeke gıgıena quraldaryn (súlgi, tis pastasy, ustara aspaptary jáne t.b.) paıdalaný.
Koronavırýs juqtyrǵandarmen baılanysta bolǵan azamattar turǵylyqty mekeninde nemese jumys ornynda vırýs juqtyrýshymen sońǵy kezdesken ýaqyttan bastap ınkýbasııalyq kezeń boıyna (14 kún) ózin-ózi oqshaýlaý rejımin qatań saqtaý (úı karantıni, syrtqa shyǵýǵa tyıym salynady) qajet.
Kez kelgen suraqtar boıynsha 1406 jáne Open Almaty 1308 nómirleri boıynsha táýlik boıy jumys isteıtin call-ortalyqqa habarlasýǵa bolady. Kataraldy belgileri bar adamdar anyqtalǵan jaǵdaıda dereý qalanyń sanıtarlyq-epıdemıologııalyq qyzmetiniń táýlik boıy jumys isteıtin 382-33-50 nómirine habarlaý kerek.
