Əskerıler kúndelikti ondaǵan nysandardy dezınfeksııalaý jumystaryn júrgizedi. Olardyń basty maqsaty – koronavırýstyń taralýyna jol bermeý jáne qazaqstandyqtardyń densaýlyq qaýipsizdigin qamtamasyz etý bolyp tabylady.
Atalmysh dezınfeksııalyq óńdeýler qalalyq syzbada bólingen sektorlar boıynsha júrgiziledi, adamdar kóp jınalatyn oryndar men koronavırýstyq ınfeksııanyń taralý qaýpi joǵary aımaqtar zararsyzdandyrylady.
Sondaı-aq mamandar mektepterdi, balabaqshalardy, medısınalyq mekemelerdi, saýda ortalyqtaryn, bazarlardy, meshitterdi, temirjol vokzaldaryn, ǵımarattarǵa irgeles aýmaqtardy, jaıaý júrginshiler joldaryn, qoǵamdyq kólik aıaldamalaryn, dańǵyl joldar men eskertkishkerdi dezınfeksııalaıdy.
Áskerı qyzmetshiler arnaıy jeke qorǵanys kıimderimen jumys isteıdi. О́ńdeý úshin arnaıy jýý quraldaryn, «Rýbej» dezınfeksııalyq eritindisi bar jeke gazsyzdandyrý jınaqtaryn paıdalanady.Eritindi adamdar men janýarlarǵa qaýipsiz sanalady, sondaı-aq bes saǵatqa deıin áreket etedi. Dezınfeksııalaý úshin qajetti reagentter qoryn arnaıy tehnıka – ARS-14KZ avtomobıl quıý stansııalary qamtamasyz etedi.
Áskerı qyzmetshilerdiń aıtýynsha, olar úshin karantın aıasynda ótkiziletin barlyq is-sharalarǵa turǵyndardyń túsinistikpen qaraýy asa mańyzdy. О́ıtkeni, jeke jaýapkershilik pen tártipke barlyq qabyldanǵan sharalardyń nátıjesi táýeldi bolyp sanalady.
