Qoǵam • 25 Naýryz, 2020

Tekserýdi toqtata turýdy surady

220 ret kórsetildi

Bıznes-ombýdsmen Rýstam Júrsinov el Premer-Mınıstri men Bas prokýrorǵa kásipkerlik sýbektilerine qatysty josparlanǵan tekseristerdi Qazaqstannyń barlyq aýmaǵynda jarııalanǵan tótenshe jaǵdaı men Nur-Sultan jáne Almaty qalalarynda engizilgen karantın aıaqtalǵanǵa deıin keıinge qaldyrý boıynsha sharalar qabyldaýdy surap hat joldady.

El Prezıdentiniń Qazaqstan­daǵy qyzmetkerlerdi 70%-ǵa de­ıin qashyqtan jumysqa aýys­tyrý tapsyrmasyna sáıkes Qazaqstandaǵy kóptegen kásip­oryn men uıymdar qyzmet­kerlerdiń bir bóligin qashyqtan jumys isteýge jiberdi, qalǵan bóligi qysqartylǵan kún tártibi boıynsha jumys isteıdi.

Osyndaı jaǵdaıda baqylaý­shy organdar tarapynan tekserý­ler bastaldy jáne olar kel­gen kezde barlyq jaýapty qyz­metkerler jumys ornynda bol­maı­dy, al keıbir obektiler jabyq.

Sondaı-aq kásipkerler mem­lekettik ınspektorlardyń ózderi aýrýdy tasymaldaýshy bolýy múmkin dep qaýiptenedi. Osy máselege qatysty kásipkerlerde kóptegen suraq týyndady. Bız­nes-ombýdsmenniń atyna jáne «Atameken» Ulttyq kásipkerler palatasyna kásipkerlerden kóp­tegen shaǵym túsip jatyr.

Bul rette órtke qarsy qa­ýip­sizdik organdary sııaqty keı­bir memlekettik organdar úı-úıdi aralaý, usynymdardy ta­ra­tý jáne halyq arasynda oqy­­tý júr­gizýdi toqtata tur­ǵa­nyn, al kásip­kerlik sýbek­ti­leri­ne qatys­ty osyndaı shara­lar qabyldan­ba­ǵanyn atap ótý qa­jet, biraq dál osy baqy­laý sý­bek­tileri jabylyp, qyz­met­ker­lerdi bosatyp, óz qyz­­metin tóten­she jaǵdaı reji­minde ońtaılan­dyryp jatyr.

«Sonymen qatar karantın talaptarynyń oryndalýyn baqylaýmen tikeleı baılanys­ty tekserýler, sondaı-aq halyq­tyń ómiri men densaýlyǵy­na, qor­­shaǵan ortaǵa, zańdylyq pen qoǵamdyq tártipke jappaı qa­ýip tóndiretin buzýshylyqtar­dyń aldyn alýǵa jáne joıý­ǵa ba­ǵyt­tal­ǵan tek­serýler tolyq kólemde júr­gizi­letinin atap ótkim keledi», dedi R.Júrsinov.

 

 

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar