Atap aıtqanda Aqtaý qalasy1 shaǵynaýdandaǵy «Shaǵala» qonaq úıiniń jany, 22 shaǵynaýdan «Shaǵyn Oımasha» jáne 33 shaǵynaýdany «Mańǵystaý-Arena» sport kesheniniń janynan zııandy zattarǵa, ıaǵnı shań, kúıege synamalar alynyp, zerthanalyq zertteýge jiberildi. Nátıjesinde, atmosferalyq aýa synamalary lastaýshy zattar shekti ruqsat konsentrasııasynan aspaıtyndyǵyn kórsetti.
Osyǵan sáıkes, ekolog mamandar alynǵan synamalar qorytyndysy, turǵyndarǵa atalǵan jáıt eshqandaı zııany joq ekendigin kórsetip otyrǵandyǵyn aıtady.
-Bul kádimgi tabıǵı qubylys. Ol adamnyń densaýlyǵyna nemese qorshaǵan ortaǵa eshqandaı zııanyn tıgizbeıdi. Bul shań adamdardyń kıimderin sál ǵana búldirýi múmkin. Onyń ústine, buǵan deıin Qazgıdromet mekemesi ústimizdegi jyldyń 25 naýryzynda Mańǵystaý oblysy 10-15 metr sekýndyna deıingi shańdy daýyldar paıda bolý qateri bar ekendigi jóninde habarlaǵan bolatyn, deıdi ekologııa departamentiniń ókilderi.
Mańǵystaý oblysy
