Qazirgi kezde osy fakti boıynsha ustalǵan tuqlǵalar QR ÁQBK 476 baby (tótenshe jaǵdaı rejımin buzý) boıynsha ákimshilik jaýapkershilikke tartylǵan. «Onyń ishinde 55 adam qamaýǵa alynyp, 43 adamǵa 10 AEK mólsherinde aıyppul salyndy. 1 tulǵaǵa eskertý berildi», – dedi Almaty qalasy Ákimshilik polısııa basqarmasynyń basshysy Jandos Muratálıev.
Zańdy tulǵalarǵa keletin bolsaq, 10 kásipkerlik nysan ıesi ákimshilik jaýapkershilikke tartylǵan. Mysaly, «ARAI Cash» JShS dırektory S. N.Abýbakır jáne «Voshod» saýda úıiniń basshysy qyzmetke ruqsat bergeni jáne t. b. úshin 5 táýlikke qamaýǵa alynǵan. Sonymen birge «Mechta market» JShS dırektory T.Alımov 10 táýlikke qamalypty.
– Eger kásipker karantın rejımin birinshi ret buzatyn bolsa, ákimshilik jaýapkershilikke tartylady. Al eger ol nysan taǵy da ári qaraı jumysyn jalǵastyra beretin bolsa, onda ákimshilik qamaýǵa alynady. Sondaı-aq, ol nysanda adamdar vırýs juqtyratyn bolsa, onda qylmystyq jaýapkershilik qarastyrylǵan. Mundaı jaǵdaıda 2000 AEK aıyppul salynyp nemese 10 jylǵa bas bostandyǵynan aıyrylady, – dedi Almaty qalasy Ákimshilik polısııa basqarmasynyń basshysy Jandos Muratálıev.
ALMATY
