31 jastaǵy Dýblın qalasy týmasy erjesiz jekpe-jek ónerinde tolaǵaı tabystarǵa qol jetkizgeni barshaǵa aıan. Eń beldi promoýshn – UFC-de óner kórsetetin ol birneshe ret chempıondyq belbeýdi ıelendi. Barlyǵy 26 ret aıqas alańyna shyqqan Makgregor 22 márte jeńis toıyn toılady. 20 ret aıqyn basymdyq tanytty.
2017 jyldyń tamyz aıynda Irlandııanyń sańlaǵy eshkimnen jeńilip kórmegen áıgili bylǵary qolǵap sheberi Floıd Meıvezermen kásipqoı boks erejesi boıynsha jekpe-jekke shyǵyp, qarjylyq turǵydan mol oljaǵa kenelgeni taǵy bar.
Mine, sol sańlaq óz Otany – Irlandııanyń halqyn qoldaý maqsatynda arnaıy esepshotqa mol kólemde qarajat aýdardy. Sol qarjynyń basym bóligi Lenster provınsııadaǵy barlyq aýrýhanalardyń esepshotyna túsken kórinedi.
