Parlament Májilisiniń Tóraǵasy Nurlan Nyǵmatýlın bul sharalar Dúnıejúzilik densaýlyq saqtaý uıymynyń nusqaýyna sáıkes qabyldanǵanyn atap ótti.
– Búgingi jalpy otyrys birshama ózgergen formatta ótip jatyr. Bizdiń keıbir áriptesterimiz qatysyp otyrǵan joq. Biraq buǵan alańdaýdyń reti joq, olardyń barlyǵy aman-esen. Qazirgi ahýalǵa baılanysty jasy 65-ten asqan depýtattarǵa alqaly jıynǵa qatyspaý týraly keńes berdik. Jınalǵan depýtattardyń sany jalpy otyrysty osyndaı formatta ótkizýge múmkindik beredi. Endi jalpy otyrystarǵa árbir zań jobasy boıynsha tek depýtattar men negizgi baıandamashylar qatysady, – dedi Nurlan Nyǵmatýlın.
Májilistiń jalpy otyrysyna 81 depýtat qatysty. Olar zalda Dúnıejúzilik densaýlyq saqtaý uıymynyń sanıtarlyq normalaryna saı aralaryn alshaq ustap otyrdy.
