Qala ákimi mobıldik top múshelerine qala aýmaǵyndaǵy qaýipsizdik sharalardy odan ári kúsheıtýdi tapsyrdy. Qala dárihanalarynda betperde men zalalsyzdandyrý quraldarynyń tapshylyǵyn boldyrmaýdy, azyq-túlik jáne halyq kúndelikti kóp tutynatyn taýarlardyń baǵalaryn negizsiz ósirýge jol bermeýdi, sondaı-aq nusqaýlyqqa sáıkes qaladaǵy qoǵamdyq tártiptiń saqtalýyn qamtamasyz etýdi júktedi.
Shahar basshysy buǵan deıin qaladaǵy adam kóp shoǵyrlanatyn nysandardy aralap, tıisti quzyrly organdar men sala basshylaryna, nysandardyń ıelerine qaýipsizdik sharalaryn kúsheıtýdi mindettep, onyń oryndalýy qatań baqylanatynyn aıtqan bolatyn.
