Aımaqtar • 26 Naýryz, 2020

Mańǵystaýda elektrmen jáne sýmen jabdyqtaý salasynda 4 jobany iske qosý josparlanǵan

527 ret

kórsetildi

1 mın

oqý úshin

Biri quny 195 mln teńgege eseptelgen Jetibaı jel fermasynyń qurylysy. «VES Service» JShS bıyl ekinshi jartyjyldyqta paıdalanýǵa beretin jobadan 20 jumys orny qurylmaq. Ekinshi joba - «Jetibaı» jel elektr stansasynyń qurylysy» Jangız jel parki.

Gúlaıym DÁÝITBAI

Mańǵystaýda elektrmen jáne sýmen jabdyqtaý salasynda 4 jobany iske qosý josparlanǵan

Jobalyq quny - 975 mln teńgelik qurylys 10 jumys ornyn usynyp, 2020 jyldyń ekinshi jartyjyldyǵynda iske qosylmaq. Sondaı-aq tizimde «OralMunaıProm» JShS shaǵyn gaz porshendi elektr stansalary negizinde «Qazaq gaz óńdeý zaýyty» JShS úshin elektr energııasyn óndirý jobasy men táýligine 17000 m3 óndiriletin sýdy tushytatyn qondyrǵynyń qurylysy bar.

Aǵymdaǵy jyldyń ekinshi toqsanynda paıdalanýǵa beriletin elektr energııasyn óndirý jobasynyń quny 5,439 mln teńge bolsa, 50 jumys ornyn usynbaq. Al qurylysyn Qazaqstan Respýblıkasynan «Kazakhstan Water Solution Company» JShS men seriktes tarap – qytaılyq CITIC Envirotech Ltd. kompanııasy júrgizetin sý tushytatyn qondyrǵy 2020 jyldyń tórtinshi toqsanynda paıdalanýǵa beriledi dep kútiledi. Quny 21,400 mln teńge turatyn joba 40 jumys ornymen qamtamasyz etpek.

Mańǵystaý oblysy