«Qazir barlyq óńirde Prokýratýra, Polısııa jáne Memlekettik kirister komıteti ókilderinen quralǵan mobıldi toptar jumys isteýde. Olar barlyq jerlerde medısınalyq maskalar men antıseptıkterdi ruqsatsyz joǵary baǵada satý boıynsha derekterdi anyqtaýda», dedi mınıstr.
Vedomstvo basshysynyń aıtýynsha, maska jáne antıseptıkti zańsyz satqan 40 adam ákimshilik jaýapkershilikke tartyldy
Tótenshe jaǵdaı bastalǵannan beri qylmystyq kodekstiń 214 baby boıynsha 15 tergeý amaldary bastaldy. Mundaı derekter nur-Sultan, Almaty qalalarynda jáne Aqtóbe, Atyraý, Qaraǵandy, Qostanaı, Batys Qazaqstan oblystarynda anyqtalǵan. Elordada jáne Aqtóbe oblysynda maska jáne antıseptıkti zańsyz satqan 40 adam ákimshilik jaýapkershilikke tartyldy. Osy ákimshilik jáne qylmystyq ister boıynsha 4 mln maska men 13 myń lıtr antıseptık tárkilendi. Olar densaýlyq saqtaý mekemelerine berilip jatyr», dedi mınıstr.
