Jańadan nemese jóndelgen joldyń jobadan aýytqymaýyn «jol aktıvteri ulttyq sapa ortalyǵy» RMK oblystyq fılıaly qadaǵalaıdy. Qadaǵalaýshy mekeme ótken jyly merdiger mekemelerdiń atqarǵan jumysynan 700-den astam kemshilikti anyqtaǵan. Kóshpeli zerthana mamandary jóndeýden ótken jolǵa baryp kez kelgen jerinen synama alyp, tóselgen asfalttyń sapasyn zertteıdi. Eger kemshilik anyqtalsa, arnaıy hattamaǵa sáıkes jaýapty mekeme men merdiger kompanııaǵa olqylyqty joıýǵa nusqaý beredi. Odan soń qaıta tekseredi. t
Byltyr jol aktıvteri ulttyq sapa ortalyǵynyń oblystyq fılıaly barlyq jóndeýden ótip jatqan jolǵa 523 ret issaparǵa shyǵyp, 626 synama alyp, tekserýden ótkizgen. Fılıal dırektory Erjan Aıazbaevtyń aıtýynsha, negizgi kemshilikter asfalttyń sapasyna nemese qıyrshyq tasqa qatysty bolady. Sondaı-aq jol belgilerin durys ornatylmaýy. Túrli syzyqtardyń qısyq bolýy nemese materıaldyń durys saqtalmaýyna qatysty kemshilikter anyqtaldy. Osy anyqtalǵan kemshilikterdi joıý úshin merdigerler men tapsyrys berýshilerge 336 hat joldandy.
Shyǵys Qazaqstan oblysy
