Qyzylordalyq zııatkerler ata-analarymen birge otbasylyq estafetalar, ústel tennısi, toǵyzqumalaq jáne shahmattan kishigirim týrnırler uıymdastyrýda.
- Koronavırýstyq pandemııa kezinde úıden shyqpaýǵa tyrysamyz. Bul eń aldymen ózimizdiń qaýipsizdigimiz úshin kerek. Úıdegi eń úlken bólmeni sport zalǵa arnadyq. О́z qolymyzben ústel tennısin qurastyrdyq, - deıdi ata-analardyń biri Kenje Ajmolda. 
Osy arqyly mektep belsendileri barlyq qazaqstandyqtardy sporttyq chellendjge qoldaý kórsetip, bos ýaqyttaryn tıimdi ótkizýge shaqyrady.
Aıta ketý kerek, alǵashqy bolyp jańa sporttyq marafondy mádenıet jáne sport mınıstrligi bastaǵan bolatyn. Búginde onyń aýqymy keńeıip, úıde bos otyrmaı, sportpen aınalysýdy qalaıtyndar sany artýda.
